ନୂଆଦିଲ୍ଲୀ: ଆନ୍ତା ୧୬ ତାରିଖରେ ତ୍ରିପୁରା ବିଧାନସଭା ଆସନ ପାଇଁ ହେବ ନିର୍ବାଚନ । ତେଣୁ ଆଜିଠାରୁ ନିର୍ବାଚନୀ ପ୍ରଚାର କାର୍ଯ୍ୟକ୍ରମ ଶେଷ ହେବ । ତେବେ ପ୍ରଚାରର ଶେଷ ଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତ୍ରିପୁରାରେ ରାଲି କରିଛନ୍ତି । ଅଗରତାଲାରେ ଏକ ରାଲିରେ ଯୋଗ ଦେଇ ଉଦବୋଧନ ଦେଇଛନ୍ତି ପ୍ରଧାନମନ୍ତ୍ରୀ । ବିଶେଷ କରି ବାମ ସାମ୍ମୁଖ୍ୟ ବିରୋଧରେ ବର୍ଷିଛନ୍ତି ମୋଦି ।
ଉଦବୋଧନ ଦେଇ ମୋଦି କହିଛନ୍ତି ଯେ ବିଜେପି ସରକାର ରାଜ୍ୟକୁ ଅରାଜକତା ମୁକ୍ତ କରିବା ସହ ଶାନ୍ତି ପ୍ରତିଷ୍ଠା କରିବାରେ ସଫଳ ହୋଇଛି । ତେବେ ତ୍ରିପୁରାର ଲୋକମାନେ ପୂର୍ବର ଅରାଜକତାପୂର୍ଣ୍ଣ ସେହି ଦିନଗୁଡିକୁ କେବେ ଭୁଲିପାରିବେ ନାହିଁ । ଆମେ ତ୍ରିପୁରାକୁ ଶାନ୍ତି ଫେରାଇ ଆଣିଛୁ ଏବଂ ଆଇନ ଶୃଙ୍ଖଳା ବଜାୟ ରଖିଛୁ ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦି ।
