ଫରିଦକୋଟ: ଭାରତ-ପାକିସ୍ତାନ ମଧ୍ୟରେ ହେଉଥିବା ରିଟ୍ରିଟ୍ ସମାରୋହର ସମୟରେ ପରିବର୍ତ୍ତନ କରାଯାଇଛି । ଅମୃତସରର ଅଟାରୀ ସୀମା ସହିତ ଫାଜିଲ୍କା ଏବଂ ଫିରୋଜପୁରରେ ଏବେ ସନ୍ଧ୍ୟା ୬ଟା ପରିବର୍ତ୍ତେ ସାଢ଼େ ୬ଟା ରିଟ୍ରିଟ୍ ସମାରୋହ ହେବ । ଗରମ ବୃଦ୍ଧି ସହିତ ଦିନ ବଡ଼ ହେବା କାରଣରୁ ଏହି ନିଷ୍ପତ୍ତି ନିଆଯାଇଛି ।
ଦେଶର ତିନିଟି ସ୍ଥାନରେ ଭାରତ-ପାକିସ୍ତାନ ମଧ୍ୟରେ ରିଟ୍ରିଟ୍ ସମାରୋହ ହୋଇଥାଏ । ଏଥିରେ ଭାରତର ସୀମା ସୁରକ୍ଷା ବଳ (ବିଏସ୍ଏଫ୍)ର ଯବାନ ପାକିସ୍ତାନ ରେଞ୍ଜର୍ସଙ୍କ ସହିତ ମିଳିତ ଭାବେ ଭାଗ ନେଇଥାନ୍ତି । ଅମୃତସର, ଫାଜିଲ୍କା ଓ ଫିରୋଜପୁର ଜିଲ୍ଲାରେ ହେଉଥିବା ଏହି ରିଟ୍ରିଟ୍ ସମାରୋହ ଦେଖିବାକୁ ବହୁ ସଂଖ୍ୟାରେ ଦେଶ-ବିଦେଶର ପର୍ଯ୍ୟଟନ ପହଞ୍ଚିଥାନ୍ତି ।
