ବ୍ରହ୍ମପୁର : ପ୍ରତିଦିନ ଭଳି ଟିମ କ୍ଲିନ ସିଟି ତରଫରୁ ପ୍ରଥମେ ଗେଟ ବଜାର ମାଛ ମାର୍କେଟ ନିକଟରେ ଥିବା ସମାଜ ସେବୀ ଜୟମଙ୍ଗଳ ରଥ ଙ୍କ ପ୍ରତିମୂର୍ତ୍ତି ସଫା କରିବା ସହ ଟିମ ପକ୍ଷରୁ ବରିଷ୍ଠ ସଦସ୍ୟ ଜଗନମୋହନ ମହାପାତ୍ର ଙ୍କ ଦ୍ଵାରା ପୁଷ୍ପମାଲ୍ୟ ଅର୍ପଣ କରାଯାଇଥିଲା ତାପରେ ପୁରୁଣା ବ୍ରହ୍ମପୁର ନିକଟ ମେଣ୍ଟୁ ଛକ ନିକଟରେ ଥିବା ସମାଜ ସେବୀ ମଦନ ଚୌଧୁରୀ ଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଟିମ ସଦସ୍ୟା ସନ୍ତୋସିନୀ ବେହେରା ଓ ସସ୍ମିତା ଙ୍କ ଦ୍ଵାରା ଅର୍ପଣ କରାଯାଇଥିଲା ଏବଂ ଆଜି ପୁଲୱମା ସହିଦ ଦିବସ ହୋଇଥିବାରୁ ପ୍ରଥମେ ବ୍ରହ୍ମପୁର ବଡ଼ବାଜର ଥାନା ହତା ଭିତରେ ଥିବା ସହିଦ ସୁଶାନ୍ତ ଗୌଡ଼ ଙ୍କ ପ୍ରତିମୂର୍ତ୍ତି ସଫାକରିବା ସହ ବଡ଼ବାଜର ଥାନା ଅଧିକାରୀ ପ୍ରଶାନ୍ତ ଭୂପତି ପୁଷ୍ପମାଲ୍ୟ ଅର୍ପଣ କରିଥିଲେ।ତାପରେ ବ୍ରହ୍ମପୁର ନିକଟ ଜଗଦଳପୁର ଯାଇ କାର୍ଗିଲ ରେ ସହିଦ ହୋଇଥିବା ଯବାନ ଶ୍ରୀନିଭାସ ପତ୍ର ଙ୍କ ପ୍ରତିମୂର୍ତ୍ତି ରେ ସ୍ଥାନୀୟ ଲୋକଙ୍କ ଦ୍ୱାରା ପୁଷ୍ପମାଲ୍ୟ ଅର୍ପଣ କରାଯାଇଥିଲା।
କରୋନା ସମୟରେ ଦିନରାତି ଅହରହ କାର୍ଯ୍ୟକାରୀ ନିଜେବି କରୋନା ଆକ୍ରାନ୍ତ ହୋଇଥିବା ସଦର ଥାନା ଆଇ ଆଇ ସି ଶ୍ରୀମତୀ ସନ୍ତୋସିନୀ ଓରାମ ଓ ବଡ଼ବାଜର ଥାନା ଆଇ ଆଇ ସି ଶ୍ରୀ ପ୍ରଶାନ୍ତ ଭୂପତିଙ୍କୁ କରୋନା ଯୋଦ୍ଧା ଭାବରେ ଟିମ ତରଫରୁ ସମ୍ବର୍ଦ୍ଧିତ କରାଯିବା ସହ ସନ୍ଧ୍ୟାରେ ବଡ଼ବାଜର ଥାନା ଅଧିକାରୀଙ୍କ ଦ୍ୱାରା ସହିଦ ସୁଶାନ୍ତ ଗୌଡ଼ ଙ୍କ ପ୍ରତିମୂର୍ତ୍ତି ନିକଟରେ କେଣ୍ଡେଲ ଲଗାଇ ଏକ ଶୋକସଭା କରାଯାଇଥିଲା। ତିମ୍ବର ଏପରି ଜନାଭିମୁଖୀ କାର୍ଯ୍ୟ କୁ ସହର ବାସୀ ପ୍ରଶଂସା କରିଛନ୍ତି।
ଟିମ କ୍ଲିନ ସିଟି ପକ୍ଷରୁ ବ୍ରହ୍ମପୁରରେ ସାପ୍ତାହିକ ସାମାଜିକ ସେବା କାର୍ଯ୍ୟ ଜାରି
