କଟକ : ଥାନା ଭିତରୁ ଚମ୍ପଟ ମାରିଥିବା ଅଭିଯୁକ୍ତ ବବଲୁ ବେହେରାଙ୍କ ମୃତଦେହ ଉଦ୍ଧାର ହୋଇଛି । ଯୋବ୍ରା ବ୍ୟାରେଜ ନିକଟରୁ ଏକ ଅଚିହ୍ନା ମୃତଦେହ ଉଦ୍ଧାର ହୋଇଥିଲା । ଏହି ମୃତଦେହ ବବଲୁଙ୍କର ବୋଲି ତାଙ୍କ ପରିବାର ଲୋକେ ସ୍ପଷ୍ଟ କରିଛନ୍ତି । ପୋଲିସ ବବଲୁଙ୍କୁ ମାରପିଟ କରିଥିବା ପରିବାର ଲୋକେ ଅଭିଯୋଗ କରିଛନ୍ତି । ଏହାସହ ପୋଲିସ ନିର୍ଯାତନା ଭୟରେ ବବଲୁ ବେହେରାଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ ଆଣିଛନ୍ତି । ଗତକାଲି କଟକ କ୍ୟାଂଟନମେଂଟ ଥାନାରୁ ଚମ୍ପଟ ମାରିବା ପରେ ମହାନଦୀକୁ ଡେଇଁ ପଡିଥିଲେ ଚୋରି ଅଭିଯୁକ୍ତ ବବଲୁ । ମୋବାଇଲ ଚୋରି ଅଭିଯୋଗରେ ବବଲୁଙ୍କୁ ପଚରାଉଚରା ପାଇଁ ଆଣିଥିଲା ପୁଲିସ । ଥାନାରୁ ଅଭିଯୁକ୍ତ ବବଲୁ ପୋଲିସକୁ ଚକମା ଦେଇ ଫେରାର ହୋଇଯାଇଥିଲେ । ତେବେ ପୋଲିସ ଉପସ୍ଥିତିରେ ଥାନା ଭିତରୁ କେମିତି ଅଭିଯୁକ୍ତ ଫେରାର ହେଲା ତାକୁ ନେଇ ପ୍ରଶ୍ନ ଉଠିଥିବା ବେଳେ ବବଲୁର ମୃତ ଦେହ ଉଦ୍ଧାର ହୋଇଛି । ବବଲୁଙ୍କ ମୃତ୍ୟୁ ପାଇଁ ପରିବାର ଲୋକେ ଥାନା ଅଧିକାରୀଙ୍କୁ ଦାୟୀ କରି ବର୍ଷିଛନ୍ତି ।
ଯୋବ୍ରା ବ୍ୟାରେଜ ନିକଟରୁ ଉଦ୍ଧାର ଫେରାର ଅଭିଯୁକ୍ତ ବବଲୁ ବେହେରାର ମୃତଦେହ ଉଦ୍ଧାର: ଥାନା ଅଧିକାରୀଙ୍କ ବିରୋଧରେ ବର୍ଷିଲେ ପରିବାର
