ନୂଆଦିଲ୍ଲୀ: ବିହାର କ୍ରିକେଟ୍ ଆସୋସିଏସନର ସଭାପତି ରାକେଶ ତିୱାରୀଙ୍କୁ ଭାରତୀୟ ଦଣ୍ଡବିଧି ଆଇନର ସଂପୃକ୍ତ ଧାରା ଅନୁଯାୟୀ ବଳାତ୍କାର ଓ ନିର୍ଯାତନା ଅଭିଯୋଗରେ ସଂସଦ ଗଳି ପୋଲିସ ଷ୍ଟେସନ ପକ୍ଷରୁ ଗିରଫ କରାଯାଇଛି।
ଏକ ଘରୋଇ କମ୍ପାନୀରେ ନିର୍ଦ୍ଦେଶକ ଥିବା ଜଣେ ମହିଳାଙ୍କ ଦ୍ୱାରା ଏହି ଅଭିଯୋଗ ଦାଖଲ କରାଯାଇଛି। ଗତ ବର୍ଷ ଜୁଲାଇରେ ଏହି ଘଟଣା ଘଟିଥିଲା, ଯେତେବେଳେ ତିୱାରୀ କିଛି ଦେୟ ଦେବାର ବାହାନା କରି ମହିଳାଙ୍କୁ ଜାତୀୟ ରାଜଧାନୀର ଏକ ହୋଟେଲକୁ ନିମନ୍ତ୍ରଣ କରିଥିଲେ ଏବଂ ତାଙ୍କ ଉପରେ ଯୌନ ନିର୍ଯାତନା ଉଦ୍ୟମ କରିଥିଲେ।
ଗତ ବର୍ଷ ଦିଲ୍ଲୀରେ ଟି -20 ଖେଳ ଖେଳାଯିବା ପରଠାରୁ ସେମାନଙ୍କ ମଧ୍ୟରେ ଏକ ଟଙ୍କା କାରବାର ହେବାକୁ ଥିଲା। ମହିଳାଙ୍କ କମ୍ପାନୀ ଏହି ଖେଳ ପାଇଁ କାମ କରୁଥିଲା ଏବଂ ଏହି ଅର୍ଥ ବିହାର କ୍ରିକେଟ୍ ଆସୋସିଏସନ୍ ଦ୍ୱାରା ପ୍ରଦାନ କରାଯିବାରଥିଲା ଏବଂ ରାକେଶ ତିୱାରୀ ସଭାପତି ହୋଇଥିବାରୁ ତାଙ୍କୁ ଏହି ଟଙ୍କା ଦେବାକୁ ପଡିଥାନ୍ତା ।
ହେଲେ ଯେତେବେଳେ ମହିଳା ଜଣକ ହୋଟେଲକୁ ଯାଇଥିଲେ, ସେତେବେଳେ ଅସଦ ଆଚରଣ କରିବାକୁ ଚେଷ୍ଟା କରିଥିଲେ ଏବଂ ପରେ ଏଥିପାଇଁ କ୍ଷମା ମାଗିଥିଲେ। କିନ୍ତୁ, ସେ ପୁଣି ଥରେ ତାଙ୍କ ଉପରେ ଜୋରଜବରଦସ୍ତ କରିବାକୁ ଚେଷ୍ଟା କରିଥିଲେ 1 ଏନେଇ ମହିଳା ଜଣକ ପୋଲିସର ସହାୟତା ନେଇଥିଲେ 1 ଏହି ମାମଲାରେ ପୋଲିସ ବିଳମ୍ବ କରୁଥିବା ଦେଖି ଏବେ ସେ ସଂସଦ ଗଳି ପୋଲିସ ଷ୍ଟେସନ ନିକଟରେ ପହଂଚିଥିଲେ |
ପୋଲିସ ଏକ ଏଫଆଇଆର ପଞ୍ଜୀକୃତ କରିବା ପରେ ତାଙ୍କୁ ଡାକି ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିଛି ।
ନୋଏଡାରୁ ଆସିଥିବା ଅନ୍ୟ ଏକ ଘଟଣାରେ ଜଣେ 31 ବର୍ଷ ବୟସ୍କା ମହିଳା ଏକ ଉଚ୍ଚ ମହଲାରୁ ଡେଇଁ ଆତ୍ମହତ୍ୟା କରିଥିବା ଅଭିଯୋଗ ହୋଇଛି।
ଏହି ମହିଳା ପୂର୍ବରୁ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆରେ ଆସିଷ୍ଟାଣ୍ଟ ମ୍ୟାନେଜର ଭାବରେ କାମ କରିଥିଲେ, କିନ୍ତୁ ସିଭିଲ ସର୍ଭିସ ପରୀକ୍ଷା ପାଇଁ ଅଧ୍ୟୟନ କରିବା ଲାଗି ଚାକିରି ଛାଡିଥିଲେ।
ସେ ଦୁଇଥର ୟୁପିଏସସି ପରୀକ୍ଷା କରିବାକୁ ଚେଷ୍ଟା କରିଥିଲେ ମଧ୍ୟ ଏହା ପାଇବାରେ ବିଫଳ ହୋଇଥିଲେ | ସେ ଡିପ୍ରେସନରେ ପୀଡିତ ଥିଲେ। ହଠାତ 26 ମହଲାରୁ ଡେଇଁ ପଡିଲେ |
