ମୁମ୍ବାଇ: ଅଷ୍ଟ୍ରେଲିଆରେ ହେବାକୁ ଥିବା ଟି-୨୦ ବିଶ୍ୱକପ୍ ୨୦୨୨ କୁ ଆଉ କିଛି ସପ୍ତାହ ବାକି ଥିବା ବେଳେ ଭାରତକୁ ଲାଗିଛି ବଡ଼ ଝଟକା। ଦଳର ଷ୍ଟାର୍ ବୋଲର ଜସ୍ପ୍ରିତ ବୁମ୍ରା ବିଶ୍ୱକପ୍ ଦଳରୁ ବାଦ୍ ପଡ଼ିଛନ୍ତି। ଅଷ୍ଟ୍ରେଲିଆ ବିପକ୍ଷ ସିରିଜରେ ବୁମ୍ରା ଟିମ୍ କୁ ଫେରିଥିଲେ। କିନ୍ତୁ ଏବେ ସେ ବିଶ୍ୱକପ୍ ଦଳରୁ ବାଦ୍ ପଡ଼ିଛନ୍ତି।
ପିଟିଆଇ ସୁତ୍ରରୁ ମିଳିଥିବା ସୂଚନା ମୁତାବକ ବ୍ୟାକ୍ ଷ୍ଟ୍ରେଚ୍ ଫ୍ରାକ୍ଚର୍ କାରଣରୁ ଏହି ମେଗା ଟୁର୍ଣ୍ଣାମେଣ୍ଟରୁ ବୁମ୍ରା ବାଦ୍ ପଡ଼ିଛନ୍ତି । ସେ ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ସିରିଜରେ ଭାରତୀୟ ଦଳରେ ସାମିଲ ଥିଲେ । ଅଘାତ ସମସ୍ୟା ପାଇଁ ସେ ପ୍ରଥମ ମ୍ୟାଚ୍ ଖେଳି ନଥିଲେ। ଏବେ ଖବର ଆସୁଛି ଯେ ବୁମ୍ରା ଦକ୍ଷିଣ ଆଫ୍ରିକା ବିପକ୍ଷ ସିରିଜ ସହ ବିଶ୍ୱକପ୍ରୁ ମଧ୍ୟ ବାଦ୍ ପଡ଼ିଛନ୍ତି ।
