ଭୁବନେଶ୍ୱର : ବନ ମହୋତ୍ସବକୁ ଡକା ନ ଯିବା ନେଇ ବର୍ଷିଲେ ସାଂସଦ ଅପରାଜିତା ଷଡଙ୍ଗୀ । ପ୍ରେସମିଟରେ ଭୁବନେଶ୍ୱର ସାଂସଦ ଅପରାଜିତାଙ୍କ କଡା ମନ୍ତବ୍ୟ । ଭୁବନେଶ୍ୱର ରେ ହେୁଥିବା ଉତ୍ସବକୁ ସାଂସଦଙ୍କୁ ଡକାନଯିବା ଦୁର୍ଭାଗ୍ୟପୂର୍ଣ୍ଣ । ରାଜ୍ୟ ସରକାର କେଉଁଠି ନା କେଉଁଠି ଅସୁରକ୍ଷିତ ଅନୁଭବ କରୁଛନ୍ତି । ଭୁବନେଶ୍ୱରରେ ରାଜ୍ୟ ସରକାରଙ୍କ କାର୍ଯ୍ୟକ୍ରମରେ ସାଂସଦଙ୍କୁ ମିଳିନି ନିମନ୍ତ୍ରଣ । ଭୁବନେଶ୍ୱରରେ କାର୍ଯ୍ୟକ୍ରମ ଆୟୋଜନ ସତ୍ତ୍ୱେ ସ୍ଥାନୀୟ ସାଂସଦ ଅପରାଜିତା ଷଡ଼ଙ୍ଗୀଙ୍କୁ ଡକାଯାଇନି । ଏଭଳି କିଛି ଅଭିଯୋଗ ଖୋଦ୍ ସାଂସଦ ଅପରାଜିତା ଷଢ଼ଙ୍ଗି ନିଜେ କରିଛନ୍ତି ।ବରମୁଣ୍ଡା ହାଇସ୍କୁଲରେ ରାଜ୍ୟସ୍ତରୀୟ ବନ ମହୋତ୍ସବ ପାଳନ ହେବାକୁ ଯାଉଛି । ଏଥିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ମନ୍ତ୍ରୀ ପ୍ରଦୀପ ଅମାତ, ଅଶୋକ ପଣ୍ଡା, ଦୁଇ ବିଧାୟକ, ଭୁବନେଶ୍ୱର ମେୟରଙ୍କୁ ନିମନ୍ତ୍ରଣ ହୋଇଛି । ହେଲେ କାର୍ଯ୍ୟକ୍ରମର ନିମନ୍ତ୍ରଣ ପତ୍ରରେ ଅପରାଜିତା ଷଡ଼ଙ୍ଗୀଙ୍କ ନାଁ ନାହିଁ । ଏପରିକି ସ୍ଥାନୀୟ ବିଜେପି କର୍ପୋରେଟରଙ୍କୁ ମଧ୍ୟ ଡକାଯାଇନି ।ଖାଲି ନିମନ୍ତ୍ରଣ ପତ୍ରରେ ନୁହେଁ ବରଂ ସାଂସଦଙ୍କୁ କାର୍ୟ୍ୟକ୍ରମ ସମ୍ପର୍କରେ ସୂଚନା ବି ଦିଆଯାଇନି । ଏହାକୁ ନେଇ ଅପରାଜିତା କ୍ଷୋଭ ପ୍ରକାଶ କରିବା ସହ ସିଧା ରାଜ୍ୟ ସରକାରଙ୍କୁ ଟାଗେର୍ଟ କରିଛନ୍ତି । ରାଜ୍ୟ ସରକାର ଅସୁରକ୍ଷିତ ମନେ କରୁଛନ୍ତି ନା ଭୟ କରୁଛନ୍ତି ? ଜଣେ ସାଂସଦଙ୍କ ପ୍ରତି ଏପରି ବ୍ୟବହାର କରିବା ରାଜ୍ୟ ସରକାରଙ୍କ ହୀନମାନସିକତା ନା ଅହଂକାର ବୋଲି ସେ ପ୍ରଶ୍ନ କରିଛନ୍ତି । ତେବେ ନିମନ୍ତ୍ରଣ ନଥିଲେ ମଧ୍ୟ ଅପରାଜିତା ଏହି କାର୍ଯ୍ୟକ୍ରମରେ ଯୋଗଦେବେ ବୋଲି କହିଛନ୍ତି ।
73rd Van Mahotsav, 2022, is being organized by Govt of Odisha tomorrow i. e. 7th July in Ward No 50, BMC area. All are invited – Hon'ble CM, MLAs and the Mayor.
Surprisingly, the local elected MP has neither been invited nor informed. The local BJP Corporator is also missing. pic.twitter.com/dU8yqwJt4R— Aparajita Sarangi, Member of Parliament (@AprajitaSarangi) July 6, 2022
