ବାର୍ ଆସୋସିଏସନ୍ ନିର୍ବାଚନ ଆଜି

କଟକ: ଓଡ଼ିଶା ଆଇନ୍‌ଜୀବୀ ପରିଷଦର ପ୍ରତ୍ୟକ୍ଷ ତତ୍ତ୍ୱାବଧାନରେ ରାଜ୍ୟର ସମସ୍ତ ଅନୁବନ୍ଧିତ ଆଇନଜୀବୀ ସଂଘର କର୍ମକର୍ତ୍ତା ନିର୍ବାଚନ ଆସନ୍ତାକାଲି ଅନୁଷ୍ଠିତ ହେବ । ରାଜ୍ୟ ଆଇନଜୀବୀ ପରିଷଦ ପକ୍ଷରୁ ଜାରି ନିର୍ଦ୍ଦେଶନାମା ଅନୁଯାୟୀ ଓଡ଼ିଶା ହାଇକୋର୍ଟ ବାର୍ ଆସୋସିଏସନ୍ ସମେତ ରାଜ୍ୟର ବାର୍ ଆସୋସିଏସନ୍‌ଗୁଡ଼ିକରେ ବିଭିନ୍ନ ପଦବୀରେ ନିର୍ବାଚନ ନିମନ୍ତେ ପ୍ରସ୍ତୁତି ଶେଷହୋଇଛି । ନିୟମ ଅନୁସାରେ ଜଣେ ଆଇନଜୀବୀ କେବଳ ଗୋଟିଏ ବାର୍ ପାଇଁ ମତାଧିକାର ସାବ୍ୟସ୍ତ କରିପାରିବେ । ଓଡ଼ିଶା ହାଇକୋର୍ଟ ବାର୍ ଆସୋସିଏସନ୍ ନିର୍ବାଚନରେ ସଭାପତି ପଦରେ ବିଜୟ କୁମାର ଦାଶ, ମିଲନ କୁମାର ବଡ଼ୁ, ସୌର୍ଯ୍ୟକାନ୍ତ ପାଢ଼ୀ ଓ ଉଲ୍ଲାସ ଚନ୍ଦ୍ର ମହାନ୍ତିଙ୍କ ମଧ୍ୟରେ ପ୍ରତିଦ୍ୱନ୍ଦ୍ୱିତା ହେବ । ଉପସଭାପତି ପଦ ପାଇଁ ନମିତା ଚକ୍ରବର୍ତ୍ତୀ, ପଦ୍ମନାଭ ଚୌଧୁରୀ, କରୁଣାକର ରଥ, ପ୍ରଦୀପ କୁମାର ମହାପାତ୍ର ଓ ରବୀନ୍ଦ୍ର ନାଥ ପାଲ ନିର୍ବାଚନ ଲଢ଼ିବେ । ସମ୍ପାଦକ ପଦରେ ଅଭିଜିତ୍ ପଟ୍ଟନାୟକ, ବିଭୁ ପ୍ରସନ୍ନ ମହାପାତ୍ର, ବିଭୂତି ଭୂଷଣ ଚୌଧୁରୀ, ଦିଲ୍ଲୀପ କୁମାର ରାୟ, ହୃଦାନନ୍ଦ ମହାପାତ୍ର, ରଞ୍ଜନ କୁମାର ନାୟକ ଓ ରଞ୍ଜିତ ମହାନ୍ତି, ଯୁଗ୍ମ ସମ୍ପାଦକ ପଦରେ ଅଶୋକ କୁମାର ଆପଟ, ପଦ୍ମାଳୟା ମହାପାତ୍ର ଓ ସୋମନାଥ ଶତପଥୀ ମଧ୍ୟରେ ପ୍ରତିଦ୍ୱନ୍ଦିତା ହେବ । ସେହିପରି ସହକାରୀ ସମ୍ପାଦକ ପଦରେ ଅଭିଜିତ ଦାସ, ବାସୁଦେବ ବାରିକ, ମହେଶ୍ୱର ଦାଶ ଓ ସାରଦା ପ୍ରସାଦ ମହାନ୍ତି, ସହକାରୀ ସମ୍ପାଦକ(ପାଠାଗାର) ପଦରେ ଭବାନୀ ଶଙ୍କର ପାଣିଗ୍ରାହୀ, ଦୀପ୍ତି ନାରାୟଣ ପଟ୍ଟନାୟକ, ରାଜ କୁମାର ସୂତାର, ସପନ କୁମାର ପାଲ, ଶ୍ରଦ୍ଧାଞ୍ଜଳି ସାହୁ ଓ ସୁନିତା ସାହୁଙ୍କ ମଧ୍ୟରେ ପ୍ରତିଦ୍ୱନ୍ଦ୍ୱିତା ହେଉଛିି । ସେହିପରି ୯ ଜଣିଆ କାର୍ଯ୍ୟକାରୀ ସଦସ୍ୟ ପଦ ପାଇଁ ୧୭ ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରୁଛନ୍ତି ।