ବାଂଲାଦେଶର ବଡ ଶତ୍ରୁ ଗରିବି : ଶେଖ ହସିନା

ଭାରତ ପହଞ୍ଚିବା ପରେ ଶେଖ ହସିନାଙ୍କ ସାକ୍ଷାତକାର । ଏଏନଆଇକୁ ସାକ୍ଷାତକାର ଦେଲେ ଶେଖ ହସିନା । ବାଂଲାଦେଶର ବଡ ଶତ୍ରୁ ହେଉଛି ଗରିବି କହିଲେ ହସିନା । ବାଂଲାଦେଶର ବିକାଶ ପାଇଁ ମୁଁ ପ୍ରତିଶ୍ରୁତିବଦ୍ଧ । ପଡୋଶୀଙ୍କ ସହ ଭଲ ସଂପର୍କକୁ ପ୍ରାଥମିକତା ଦିଆଯାଉଛି । ଭାରତ-ବାଂଲାଦେଶ ମଧ୍ୟରେ ଦିର୍ଘ ଦିନରୁ ଭଲ ସଂପର୍କ ରହିଛି କହିଲେ ହସିନା । ଆଜି ବାଂଲାଦେଶର ପ୍ରଧାନମନ୍ତ୍ରୀ ଶେଖ ହସିନା ପଦରୁ ଇସ୍ତଫା ଦେବା ପରେ ଭାରତରେ ପହଞ୍ଚିଥିଲେ । ହସିନା ତ୍ରିପୁରାର ରାଜଧାନୀ ଅଗରତାଲାରେ ପହଁଚି ଥିବା ନେଇ ଜାତୀୟ ଗଣମାଧ୍ୟମରୁ ସୂଚନା ମିଳିଥିଲା । ଶେଖ ହସିନା ସୋମବାର ବାଂଲାଦେଶ ସେନା ମୁଖ୍ୟ ୱାକର-ଉଜ-ଜମାନଙ୍କ ପରାମର୍ଶ କ୍ରମେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇଥିଲେ । ଏହା ପରେ ସେନାର ସ୍ୱତନ୍ତ୍ର ହେଲିକପ୍ଟରରେ ଶେଖ ହସିନା ଏବଂ ତାଙ୍କ ଭଉଣୀ ଶେଖ ରିହାନା ଭାରତ ଅଭିମୁଖେ ଯାତ୍ରା କରିଥିଲେ । ହସିନାଙ୍କ ହେଲିକପ୍ଟର ତ୍ରିପୁରାର ରାଜଧାନୀ ଅଗରତାଲାରେ ଅବତରଣ କରିଛି । ସେ ସେଠାରେ କିଛି ସମୟ ରହିବା ପରେ ଦିଲ୍ଲୀ ବାହାରି ଯାଇଛନ୍ତି । ଦିଲ୍ଲୀରେ ପହଁଚିବା ପରେ ସେ କେଉଁଠାକୁ ଯିବେ ସ୍ପଷ୍ଟ ହୋଇ ନାହିଁ । ସେ ଭାରତ ଦେଇ ଲଣ୍ଡନ କିମ୍ବା ସ୍ୱିଜରଲ୍ୟାଣ୍ଡ ଯାଇ ପାରନ୍ତି ବୋଲି ଚର୍ଚ୍ଚା ହେଉଛି । ସରକାରୀ ଚାକିରିରେ ସଂରକ୍ଷଣ ବନ୍ଦ କରିବା ଦାବିରେ ବାଂଲାଦେଶରେ ହିଂସା ତୀବ୍ର ରୂପ ଧାରଣ କରିଛି । ଏହି ହିଂସାରେ ଏଯାବତ ୩୦୦ରୁ ଉର୍ଦ୍ଧ୍ୱ ସାଧାରଣ ନାଗରିକ ପ୍ରାଣ ହରାଇ ସାରିଲେଣି । ଏଥିପାଇଁ ପ୍ରଧାନମନ୍ତ୍ରୀଙ୍କ ଇସ୍ତଫା ମଧ୍ୟ ଦାବି କରାଯାଉଥିଲା । ଶେଷରେ ପ୍ରଧାନମନ୍ତ୍ରୀ ଶେଖ ହସିନା ନିଜ ପଦରୁ ଇସ୍ତଫା ଦେଇଥିଲେ । ତେବେ ହସିନାଙ୍କ ଇସ୍ତଫା ପରେ ବାଂଲାଦେଶ ସେନା ଅନ୍ତରୀଣ ସରକାର ଗଢିବେ ।