ଫୁଲବାଣୀ : ମାରାଥାନ ବନ୍ୟା ଞ୍ଚଳ ଗସ୍ତରେ ବାଲିଗୁଡା ବିଧାୟକ ଚକ୍ରମଣି କଂହର । ଦୁର୍ଦ୍ଧିନ ସମୟରେ ଲୋକଙ୍କ ଅସୁବିଧା ଦୂର କରିବା ପାଇଁ ଚେଷ୍ଟାଜାରି ରଖିଛନ୍ତି। ଚାରି ଦିନ ଧରି ଅହରହ ବର୍ଷାରେ ଜିଲାର ପ୍ରାୟ 300 ରୁ ଉର୍ଦ୍ଧ ଗ୍ରାମ କୁ ଯୋଗାଯୋଗ ବିଛିନ୍ନ ହୋଇଯାଇଛି । କନ୍ଧମାଳ ଜିଲ୍ଲାର ତୂମୁଡିବନ୍ଧ ବ୍ଲକ ର ପ୍ରାୟ 7 ଟି ପଞ୍ଚାୟତ ରେ ରାସ୍ତା କଟିଯିବାରୁ ଯୋଗଯୋଗ ବିଛିନ୍ନ ହୋଇଛି । କୁର୍ତ୍ତମଗଡ ଠାରୁ ସିର୍ଲା ରୋଡ , ସରଧାପୁର ବ୍ରିଜ , ପାଡାମାହା ରାସ୍ତା, ଲଦରଗାଁ ଠାରୁ ଲଂକାଗଡ଼ ରାସ୍ତା, ବେଲଘର ଠାରୁ ଗୁର୍ଲିମାସ୍କା ରାସ୍ତା ସମ୍ପୂର୍ଣ୍ଣ ରୂପେ ବର୍ଷା ଜଳରେ ଧୋଇ ହୋଇଯାଇଛି ।
ଯାହା ଫଳରେ ଅନେକ ଗ୍ରାମ କୁ ଏବେ ମଧ୍ୟ ଯୋଗାଯୋଗ ବିଛିନ ହୋଇଛି । ଏଭଳି ସମୟରେ ବାଲିଗୁଡା ବିଧାୟକ ଚକ୍ରମଣି କଂହର , ତୂମୁଡିବନ୍ଧ ସାଂସଦ ପ୍ରତିନିଧି ପ୍ରମୋଦ କୁମାରସାହୁ ଲୋକଙ୍କ ପାଖକୁ ପହଁଚିଛନ୍ତି । ଘାଟି ପାହାଡ ରାସ୍ତାରେ ଅସୁବିଧାରେ ଥିବା ଗୋଟିଏ ଗୋଟିଏ ପରିବାର କୁ ଯାଇ ସମସ୍ୟା ବୁଝୁଛନ୍ତି । ଯେଉଁ ସବୁ ଗ୍ରାମକୁ ଯୋଗା ଯୋଗ ବିଛିନ ହୋଇଛି ସେଠାରେ ନିଜେ ଉପସ୍ଥିତ ରହି ରାସ୍ତା ନିର୍ମାଣ କାର୍ଯ୍ୟ କରୁଛନ୍ତି । ଆଜିର ଏହି ମାରାଥନ ଗସ୍ତରେ ବାଲିଗୁଡା ବିଧାୟକ ଚକ୍ରମଣି କଂହର , ତୂମୁଡିବନ୍ଧ ବିଜୁ ଜନତାଦଳ ସଭାପତି ପ୍ରମୋଦ କୁମାର ସାହୁ, ପଞ୍ଚାୟତ ସମିତି ଅଧକ୍ଷ ବାସନ୍ତି ମାଝୀ, ଜିଲ୍ଲାପରିଷଦ ସଭ୍ୟ ନବୀନ ପାତ୍ର , ସମିତି ସଭ୍ୟା ସୁଭଦ୍ରା ବେହେରଦଳାଇ, ପଂଚାୟତ ସଭାପତି ଜିସାୟ ମଣ୍ଡଳ , ମୟନ୍ତି ପାଟମାଝୀ, ବଙ୍ଗାଳି ବଡ଼ସେଠ , ଗଙ୍ଗା ମିଶ୍ର, ପ୍ରମୁଖ ଉପସ୍ଥିତ ଥିଲେ ।
