ନୂଆଦିଲ୍ଲୀ : ATM ରୁ ଟଙ୍କା ଉଠାଇବା ଲୋକଙ୍କ ପାଇଁ ବଡ଼ ଝଟକା! 1 ମଇ 2025 ରୁ, ମାଗଣା ସୀମା ପରେ ପ୍ରତ୍ୟେକ କାରବାର ମହଙ୍ଗା ହେବ । ଯଦି ଆପଣ ବାରମ୍ବାର ATMରୁ ଟଙ୍କା ଉଠାନ୍ତି, ତେବେ ଆପଣଙ୍କୁ 1 ମଇ 2025 ଠାରୁ ଅଧିକ ଟଙ୍କା ଦେବାକୁ ପ୍ରସ୍ତୁତ ରହିବା ଉଚିତ। ଭାରତୀୟ ରିଜର୍ଭ ବ୍ୟାଙ୍କ (RBI) ATM ଚାର୍ଜ ବୃଦ୍ଧିକୁ ଅନୁମୋଦନ କରିଛି ଏବଂ ଏହି ପରିବର୍ତ୍ତନ 1 ମଇ ଠାରୁ କାର୍ଯ୍ୟକାରୀ ହେବ।ନୂତନ ନିୟମ ଅନୁଯାୟୀ, ମାଗଣା କାରବାର ସୀମା ଅତିକ୍ରମ କରିବା ପରେ, ପ୍ରତ୍ୟେକ ATM ଉଠାଣ ପାଇଁ ଏବେ 23 ତାଙ୍କ ଆଦାୟ କରାଯିବ, ଯାହା ବର୍ତ୍ତମାନ 21 ଟଙ୍କା ଅଟେ । ଏହି ବର୍ଦ୍ଧିତ ଶୁଳ୍କ 1 ମଇ, 2025 ରୁ ଲାଗୁ ହେବ। ଏହାର ଅର୍ଥ ହେଉଛି ATM ବ୍ୟବହାର କରୁଥିବା ଗ୍ରାହକଙ୍କ ସମସ୍ୟା ବୃଦ୍ଧି ପାଇବାକୁ ଯାଉଛି।
ଗ୍ରାହକମାନେ ଏବେ ବି ସେମାନଙ୍କ ବ୍ୟାଙ୍କର ATM ରୁ ପ୍ରତି ମାସରେ 5ଟି ମାଗଣା କାରବାର ପାଇବେ। ମେଟ୍ରୋ ସହରଗୁଡ଼ିକରେ ଅନ୍ୟ ବ୍ୟାଙ୍କର ATM ରୁ 3ଟି ମାଗଣା କାରବାର ଏବଂ ଅଣ-ମେଟ୍ରୋ ସହରଗୁଡ଼ିକରେ 5ଟି ମାଗଣା କାରବାରର ସୁବିଧା ପୂର୍ବ ପରି ଜାରି ରହିବ। ତଥାପି, ଅଧିକ ଥର ATM ଉଠାଣ ପାଇଁ ଆପଣଙ୍କୁ ବର୍ଦ୍ଧିତ ଶୁଳ୍କ ଦେବାକୁ ପଡିବ।
