ଓୟୁଏଟି ୟୁଜି କୋର୍ସ ଲାଗି ଆବେଦନ ଆରମ୍ଭ

ଭୁବନେଶ୍ୱର: ଓଡିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ (ଓୟୁଏଟି) ୟୁଜି କୋର୍ସ ଲାଗି ଏପ୍ରିଲ ୬ ତାରିଖ ଠାରୁ ଆବେଦନ ଆରମ୍ଭ ହୋଇଛି । ଏହା ଆସନ୍ତା ମେ’ ୯ ତାରିଖ ପର୍ଯ୍ୟନ୍ତ ଚାଲିବ । ସେହିପରି ମେ ୧୦ ତାରିଖ ସୁଦ୍ଧା ଆବେଦନ ଫି ଦାଖଲ କରିବାକୁ ବିଶ୍ୱବିଦ୍ୟାଳୟ ପକ୍ଷରୁ କୁହାଯାଇଛି । ତେବେ ୟୁଜି କୋର୍ସ ଲାଗି ଅଗଷ୍ଟ ପ୍ରଥମ ସପ୍ତାହରେ ପ୍ରବେଶିକା ପରୀକ୍ଷାହେବାକୁ ଥିବା ବେଳେ ଜୁଲାଇ ତୃତୀୟ ସପ୍ତାହରେ ଆବେଦନ କରିଥିବା ପିଲାଙ୍କୁ ଆଡମିଟ କାର୍ଡ ପ୍ରଦାନ କରାଯିବ । ସେହିଭଳି ପ୍ରବେଶିକା ପରୀକ୍ଷା ପରେ ଅଗଷ୍ଟ ତୃତୀୟ ସପ୍ତାହରେ ପିଲାଙ୍କୁ ‘ଆନସର -କି’ ପ୍ରଦାନ ଏବଂ ସେପ୍ଟେମ୍ବର ମାସରେ ପ୍ରବେଶିକା ପରୀକ୍ଷା ଫଳ ପ୍ରକାଶ ପାଇବ ।