ନୂଆଦିଲ୍ଲୀ : ଭୁବନେଶ୍ୱରର କସମୋପୋଲିସ ଛକଠାରେ ଏକ ଫ୍ଲାଏଓଭର, କ୍ରାଉନ ହୋଟେଲ ଓ ସତସଙ୍ଗ ବିହାର ନିକଟରେ ଏକ ଫୁଟ ଓଭରବ୍ରିଜ ନିର୍ମାଣ ତଥା କ୍ୟାପିଟାଲ ରିଜନ ରିଙ୍ଗ୍ ରୋଡ ନିର୍ମାଣକୁ ଅନୁମୋଦନ କରିଛନ୍ତି କେନ୍ଦ୍ର ସଡ଼କ ପରିବହନ ମନ୍ତ୍ରୀ ନିତିନ ଗଡ଼କରି । ଏସବୁ ପ୍ରକଳ୍ପ ନିର୍ମାଣ ପାଇଁ ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ କେନ୍ଦ୍ର ମନ୍ତ୍ରୀଙ୍କୁ ଭେଟି ଦାବି କରିଥିଲେ ।
ଏସବୁ ପ୍ରକଳ୍ପକୁ ମନ୍ତ୍ରୀ ଅନୁମୋଦନ କରିଥିବା ଅପରାଜିତା ଟୁଇଟ କରି ସୂଚନା ଦେଇଛନ୍ତି । ସୂଚନାଯୋଗ୍ୟ, ରାଜଧାନୀରେ ଟ୍ରାଫିକ ବଢିବା ସହ ବିଭିନ୍ନ ସ୍ଥାନରେ ବାରମ୍ବାର ଦୁର୍ଘଟଣା ଘଟୁଛି । ସାଧାରଣ ଲୋକମାନେ ବିଶେଷକରି ମହିଳା, ବରିଷ୍ଠ ନାଗରିକ ଓ ଶିଶୁମାନେ ରାସ୍ତା ପାର ହେବାବେଳେ ସମସ୍ୟାର ସମ୍ମୁଖୀନ ହେଉଛନ୍ତି ।
Delighted to inform that as desired by the residents of my Constituency,I had been requesting for the approval of –
Flyover at Cosmopolis Square
Two FOBs near Hotel Crown & Satsang Vihar
Capital Region Ring Road
Grateful to Minister @nitin_gadkari– all are being allowed.🙏 pic.twitter.com/IWf0sZXP9v
— Aparajita Sarangi, Member of Parliament (@AprajitaSarangi) April 6, 2022
ଏହାକୁ ଦୃଷ୍ଟିରେ ରଖି ରାଜଧାନୀର କେତେକ ଅତି ଜନଗହଳିପୂର୍ଣ୍ଣ ରାସ୍ତା ଉପରେ ଫୁଟ ଓଭରବ୍ରିଜ ନିର୍ମାଣ ପାଇଁ ବାରମ୍ବାର ଦାବି ହୋଇଆସୁଛି । ସେହିପରି ରାଜଧାନୀ ମଧ୍ୟରେ ପ୍ରତିଦିନ ଅନେକ ଭାରିଯାନ ପ୍ରବେଶ କରୁଥିବାରୁ ତାହା ଲୋକମାନଙ୍କ ପାଇଁ ବିପଦ ସୃଷ୍ଟି କରୁଛି । ଏହାକୁ ଦୃଷ୍ଟିରେ ରଖି ଭୁବନେଶ୍ୱରରେ ଏକ ରିଙ୍ଗରୋଡ୍ ନିର୍ମାଣର ଆବଶ୍ୟକତା ରହିଛି ।
