ପୁଣି କୋଟରୁ ନିଖୋଜ ହେଲେ ଛାତ୍ର

ବିହାର : ବିହାରର ଜଣେ ଛାତ୍ର ବିଗତ ଦୁଇବର୍ଷ ହେଲା ରାଜସ୍ଥାନର କୋଟାରେ ରହି କୋଚିଂ ନେଉଥିଲେ। ରବିବାର ରାତିରେ ସ୍ବର୍ଣ୍ଣବିହାର କଲୋନୀସ୍ଥିତ ପିଜି ହଷ୍ଟେଲରୁ ସେ କୁଆଡେ ପଳେଇଥିଲେ । ହଷ୍ଟେଲ କର୍ତ୍ତୃପକ୍ଷ ଏହା ଜାଣିବା ପରେ ତାଙ୍କୁ ଖୋଜ ଖୋଜି କରିଥିଲେ । ଯିବା ପୂର୍ବରୁ ସେ ଏକ ଚିଠି ମାଧ୍ୟମରେ ନିଟ୍‌ ପରୀକ୍ଷାରେ ଉନ୍ନତ ପ୍ରଦର୍ଶନ କରିନଥିବାରୁ ସେ ହଷ୍ଟେଲ ଛାଡି ଚାଲିଯାଉଥିବା କଥା କହିଥିଲେ । ହାଟେଲ କର୍ତ୍ତୃପକ୍ଷ ପରିବାର ଲୋକଙ୍କୁ ଜଣାଇବାପରେ ପରିବାର ଲୋକେ ସେଠାରେ ଯାଇ ପହଞ୍ଚିଥିଲେ । ଏଥିସହ ସେ ଚିଠିରେ ଚମ୍ବଲ ନଦୀ ଉପରେ ନିର୍ମିତ କୋଟା ବ୍ୟାରେଜ ନିକଟରେ ତାଙ୍କୁ ଖୋଜିବାକୁ ଦର୍ଶାଇଥିଲେ । ପୋଲିସ ଘଟଣା ସ୍ଥଳରେ ପହଂଚି ଖୋଜ ଖୋଜି କରିବା ସତ୍ୱେ ମଧ୍ୟ ତାଙ୍କର ସନ୍ଧାନ ପାଇନାହାନ୍ତି ।