ଅଜିତ ମଙ୍ଗରାଜଙ୍କୁ କରୋନା

ଭୁବନେଶ୍ୱର: ପିପିଲି କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜ କରୋନା ଆକ୍ରାନ୍ତ ହୋଇଛନ୍ତି । ସେ କରୋନା ପଜିଟିଭ ଥିବା ନେଇ ନିଜ ଫେସବୁକ ପୃଷ୍ଠାରେ ଜଣାଇଛନ୍ତି । ଗୁଜବ ସୃଷ୍ଟି ନକରି ଦଳ କିଭଳି ଭଲ ପ୍ରଦର୍ଶନ କରିବ ସେଥିନେଇ ଧ୍ୟାନ ଦେବାକୁ କହିଛନ୍ତି । ବର୍ତମାନ ରାଜ୍ୟରେ କରୋନା ସଂକ୍ରମଣ ହୁ ହୁ ହୋଇ ମାଡି ଚାଲିଥିବା ବେଳେ ଲୋକେ ସଚେତନ ହେଉନାହାନ୍ତି । ଏବେ ଦୈନିକ ହଜାରେ ପରେ ସଂକ୍ରମିତ ଚିହ୍ନଟ ହେଉଛନ୍ତି । ସରକାର ବିଭିନ୍ନ ପ୍ରକାର କଠୋର ପଦକ୍ଷେପ ବାଧ୍ୟ ହୋଇ ଗ୍ରହଣ କରୁଛନ୍ତି । ନେତା ମନ୍ତ୍ରୀ କାହାକୁ ବି ନିଜ ଶିକାରରୁ ବାଦ୍ କରୁନି କରୋନା । ସମସ୍ତଙ୍କୁ ନିଜ କହରରେ ପ୍ରଭାବିତ କରୁଛି ।