🌹☘️🙏🏻” ଆଜିର ଅନୁଚିନ୍ତା “🙏🏻☘️🌹

🦋”ଶ୍ରଦ୍ଧାରୁ ଜ୍ଞାନ , ନମ୍ରତାରୁ ମାନ ଆଉ ନିଜ ଯୋଗ୍ୟତାରୁ ସ୍ଥାନ ମିଳିଥାଏ , ହେଲେ ଯେତେବେଳେ ଏଇ ତିନୋଟି ମିଶିଯାଏ ସେତେବେଳେ ମଣିଷକୁ ସମ୍ମାନ ମିଳିଥାଏ !!”

🦋”ସମୟ କଥା କହିପାରି ନଥାଏ ସତ , କିନ୍ତୁ ଠିକ୍ ସମୟରେ କିଏ ପର ଆଉ କିଏ ଆପଣାର କହି ଦେଇଥାଏ !!”

🦋”ଯେଉଁଠି ଆତ୍ମସମ୍ମାନ ମିଳୁ ନାହିଁ ସେଭଳି ଜନଗହଳି ପରିବେଶ ଅପେକ୍ଷା ଏକା ରହିବା ଭଲ , ଲୋକେ ଏହାକୁ ତୁମର ଆତ୍ମଗର୍ବ କହିପାରନ୍ତି କିନ୍ତୁ ବାସ୍ତବରେ ଏହା ତ ନିଜର ଆତ୍ମସ୍ବାଭିମାନ !!”

🦋”ଜୀବନ କଷ୍ଟକର ହୋଇପାରେ କିନ୍ତୁ ଅସମ୍ଭବ ନୁହେଁ ତେଣୁ ପ୍ରତ୍ୟେକ ଦିନ ସକାଳୁ ଜିତିବାର ଇଚ୍ଛା ନେଇ ଆଗକୁ ବଢନ୍ତୁ !!”

୭-୪-୨୦୨୨((ଗୁରୁବାର))🌹
🌹{{ଶ୍ରୀମନ୍ଦିରରେ ଚୈତ୍ର ଗୁଣ୍ଡିଚା ଯାତ୍ରା}}🌹
🌺🌺🌺🌺🌺🌺🌺🌺🌺🌺
ଅଦ୍ଯ ମୀନ ଦି୨୪ନ,ଷଷ୍ଠୀ ଦ୩୭।୧୮ ରାଘ୮।୩୪,ମୃଗଶିରା ଦ୪୪।୨୮ ରାଘ ୧୧।୨୬ ବୃଷ ଚନ୍ଦ୍ର ଦ୧୦।୪୦ ଘ୯।୫୫.
🌺🌺🌺🌺🌺🌺🌺🌺🌺🌺
ଭାରତୀୟ ସାଧାରଣ ସମୟ ଅନୁସାରେ (I.S.T.)
ମୀନ ଦ୨/୫୯/୧୦ ଇଂଘ୫/୩୯/୩୦ ଗତେ ଉଦୟ
କନ୍ୟା ଦ୪/୧୨/୪୦ ଇଂଘ ୫/୫/୪୬ ଗତେ ଅସ୍ତ ।
🌺🌺🌺🌺🌺🌺🌺🌺🌺🌺
ଯୋଗିନୀ ପଶ୍ଚିମେ । ରାତ୍ରି ଘ୮।୩୪ ଗତେ ବାୟବ୍ୟେ । ଯାତ୍ରା ଶୁଭ । ଅଦ୍ୟ ଦେବତାଗଠନ,ନୌକାଗଠନ ଓ ଚାଳନ, ବାଣିଜ୍ୟକରଣ, ହଳପ୍ରବାହ ଓ ବୀଜ ବପନ, ଔଷଧିକରଣ ଓ ଭକ୍ଷଣ,ବ୍ରତୋପନୟନ, କର୍ଣ୍ଣବେଧ, ଚୂଡ଼ାକରଣ, ନିଷ୍କ୍ରମଣ,ଅନ୍ନପ୍ରାଶନ, ବିଦ୍ୟାରମ୍ଭ, ନାମକରଣ ଓ ଦୀକ୍ଷାଗ୍ରହଣ ।ଗତ ଦିବସ ନକ୍ଷତ୍ର ଓ ରାଶିମାନଙ୍କର ତାରାଚନ୍ଦ୍ରଶୁଦ୍ଧି । ରାତ୍ରି ଘ୧୧।୨୬ ଗତେ ପୁନର୍ବସୁ ପୁଷ୍ୟା ମଘା ଉତ୍ତରାଫାଃ ଚିତ୍ରା ବିଶାଖା ଅନୁରାଧା ମୂଳା ।ଉତ୍ତରାଷାଢ଼ା ଧନିଷ୍ଠା ପୂର୍ବଭାଦ୍ର ଉତ୍ତରଭାଦ୍ର ଅଶ୍ୱିନୀ କୃତ୍ତିକା ମୃଗଶିରା ଏ ନକ୍ଷତ୍ରମାନଙ୍କର ତାରାଶୁଦ୍ଧି । ଦିବା ଘ୯।୫୫ ଗତେ ମିଥୁନ ସିଂହ ତୁଳା ଧନୁ ମକର କୁମ୍ଭ ମେଷ ବୃଷ ଏ ରାଶିମାନଙ୍କର ଚନ୍ଦ୍ରଶୁଦ୍ଧି । କନ୍ୟା ରାଶିର ଘାତଚନ୍ଦ୍ର । ତୁଳା ଓ କୁମ୍ଭ ରାଶିମାନଙ୍କର ଘାତବାର ।ଦିବା ଘ୨।୫୫ ଗତେ ଘ୫।୫୯ ମଧ୍ୟେ କାଳ ଓ ବାରବେଳା । ରାତ୍ରି ଘ୧୧।୫୧ ଗତେ ଘ ୧।୧୯ ମଧ୍ୟେ କାଳରାତ୍ରି । ମୃତେ ରାତ୍ରି ଘ୮।୩୪ ଗତେ ପାଦ ଦୋଷ । ଫଳଂ ପଶୁ ହାନି ଓ ଅନ୍ନ ଦାନ । ପ୍ରଥମ ରଜୋଦର୍ଶନେ ରାତ୍ରି ଘ୧୧।୨୬ ଗତେ ପାଞ୍ଚମାସ ଗଣ୍ଡଦୋଷ ।ସ୍ଵର୍ଣ ଓ ପୀତ ବସ୍ତ୍ର ଦାନ । ଷଷ୍ଠୀର ଏକୋଦ୍ଦିଷ୍ଟ ଓ ପାର୍ବଣ ଶ୍ରାଦ୍ଧ । ନିମ୍ବ ରାତ୍ରି ଘ୮।୩୪ ଗତେ ତାଳ ଭକ୍ଷଣ ନିଷେଧ ।
🌺🌺🌺🌺🌺🌺🌺🌺🌺🌺
(ଅମୃତ) – ରାତ୍ରି ଘ୧।୧୧ ଗତେ ଘ୩।୩୫ ମଧ୍ୟେ ।(ମାହେନ୍ଦ୍ର) – ଦିବା ଘ୭।୧୫ ମ ଘ୧୦।୨୭ ଗତେ ଘ୧୨।୫୧ ମଧ୍ୟେ ।
🌹ମେଷ:କର୍ମକ୍ଷେତ୍ରରେ ସହକର୍ମୀମାନଙ୍କୁ ସୁପରାମର୍ଶ ଓ ପ୍ରେରଣା ଦେଇ କର୍ମକ୍ଷେତ୍ରରେ ପ୍ରଶଂସିତ ହେବେ। ଦୀର୍ଘ ସମୟ ଧରି ଅପପେକ୍ଷା ବନ୍ଧୁଙ୍କୁ ଭେଟିପାରନ୍ତି। ସାଧାରଣ କଥାକୁ ନେଇ ପାରିବାରିକ ଅସହଯୋଗରୁ ଶେଷ ପର୍ଯ୍ୟାୟରେ କାମ ଗୁଡିକ ଅଧାରେ ଅଟକିଯିବ। ପାରିବାରିକ ଚାପ ଦୃଷ୍ଟିରୁ ମାନସିକ ସ୍ତରରେ କଷ୍ଟ ସ୍ବୀକାର କରିବେ।

🌹ବୃଷ:ଆଜି ଆପଣଙ୍କର ମାନସିକ ସ୍ବାସ୍ଥ୍ୟ କେତେକାଂଶରେ ଭଲ ରହି ନପାରେ। ଅଭାବ ନଥିଲେ ମଧ୍ୟ ଆକସ୍ମିକ ଆବଶ୍ୟକତା ପୂରଣ କ୍ଷେତ୍ରରେ ଅସୁବିଧା ମନେ କରିବେ। କର୍ମକ୍ଷେତ୍ରରେ ଅନ୍ୟକୁ ସାହାଯ୍ୟ କରିବାକୁ ଯାଇ ନିଜେ ହଇରାଣରେ ପଡିପାରନ୍ତି। ପଡୋଶୀଙ୍କ କଥାରେ ପ୍ରଭାବିତ ହୋଇ କୌଣସି ଭୁଲ୍‌ କାମ କରିପାରନ୍ତି।

🌹ମିଥୁନ:ବନ୍ଧୁମାନଙ୍କ ସାହାଯ୍ୟରେ ଭାଙ୍ଗି ପଡିଥିବା ସ୍ବାସ୍ଥ୍ୟରେ ଉନ୍ନତି ଘଟିପାରେ। ସହକର୍ମୀଙ୍କ କାର୍ଯ୍ୟାବଳୀ ଓ ଅଫିସ୍‌ର ପ୍ରତ୍ୟେକ ଘଟଣାକୁ ସନ୍ଦେହ ଦୃଷ୍ଟିରେ ଦେଖିବେ। ପ୍ରତୀକ୍ଷିତ ଖବରଟି ଆଜି ପାଇପାରନ୍ତି। ବନ୍ଧୁଙ୍କ ପ୍ରତିଶ୍ରୁତି ଦେଇ ଶେଷ ରେ ନାସ୍ତିବାଣୀ ଶୁଣାଇବେ। କର୍ମକ୍ଷେତ୍ରରେ ସୁବିଧାରେ କାମ ହାସଲ କରିବା କଷ୍ଟକର ହୋଇପଡିବ।

🌹କର୍କଟ:ଭାବପ୍ରବଣତାବଶତଃ ଅନ୍ୟଦ୍ୱାରା ପ୍ରଭାବିତ ହୋଇ ମରିଚିକା ପଛରେ ଦୌଡି ପରିଶେଷରେ ଅନୁତାପ କରିପାରନ୍ତି। ବନ୍ଧୁଗହଣରେ ବାକ୍‌ ଅସଂଯମତା ଯୋଗୁ ସୁସମ୍ପର୍କ ବ୍ୟାହତ ହୋଇପାରେ। ବିଭିନ୍ନ ପ୍ରକାରର ଆଶା ଓ ଆଶଙ୍କାରେ ବ୍ୟବସାୟକୁ ସଙ୍କୁଚିତ କରିନେଇ ପାରନ୍ତି।

🌹ସିଂହ:ନିକଟ ଅତୀତରେ ସୃଷ୍ଟି ହୋଇଥିବା ପରିସ୍ଥିତିକୁ ସମ୍ଭାଳି ନେବାପାଇଁ ପଡୋଶୀଙ୍କ ସାହାଯ୍ୟ ଆବଶ୍ୟ ମନେ କରିବେ। କର୍ମକ୍ଷେତ୍ରରେ ଅଯଥା ମିଥ୍ୟା ଅଭିଯୋଗ ସକାଶେ ଅନ୍ୟ ଉପରେ ବିରକ୍ତି ପ୍ରକାଶ କରିପାରନ୍ତି। ପରିବାରର ବ୍ୟୟ ବୃଦ୍ଧି ଯୋଗୁ କିମ୍ବା ପରିବହନରେ ସମସ୍ୟା କାରଣରୁ ବ୍ୟସ୍ତ ରହିପାରନ୍ତି।

🌹କନ୍ୟା:ପାରିବାରିକ ସ୍ତରରେ ବନ୍ଧୁଙ୍କ ବ୍ୟବହାରରେ ଅସନ୍ତୁଷ୍ଟ ହୋଇ ଆଲୋଚନା କାଳରେ ସ୍ତ୍ରୀଙ୍କ ସହ ମତ ପାର୍ଥକ୍ୟ ଦେଖା ଦେଇପାରେ। କର୍ମକ୍ଷେତ୍ରରେ ଶେଷ ସମୟରେ ସୁଯୋଗ ହରାଇବା ସକାଶେ ବ୍ୟଥିତ ହୋଇପାରନ୍ତି। ଅପରାହ୍ନରେ ପୁରାତନ ରୋଗର ପୀଡା ଅନୁଭବ କରି ପାରନ୍ତି। ସାହିତ୍ୟ,କଳା, କ୍ଷେତ୍ରରୁ ପ୍ରଶଂସିତ ହେବେ।

🌹ତୁଳା:ଆନୁଷ୍ଠାନିକ କାମରେ ସାଙ୍ଗଠନିକ କାର୍ଯ୍ୟରେ ନେତୃତ୍ୱ ନେଇ ପ୍ରଶଂସିତ ହେବେ। ସାମାଜିକ ସ୍ତରରେ ସମ୍ମାନ ଲାଭ ଓ ପଦମର୍ଯ୍ୟାଦା ବୃଦ୍ଧି ପାଇବ। ପ୍ରତ୍ୟେକ କ୍ଷେତ୍ରରେ ଜିଦ୍‌ଖୋର ମନୋଭାବ ତ୍ୟାଗ କଲେ କେତେକାଂଶରେ ଉପକୃତ ହୋଇପାରନ୍ତି। ପ୍ରତ୍ୟୁଷ ଯାତ୍ରା ସମୟରେ ଯାନ୍ତ୍ରିକ ତ୍ରୁଟି ଯୋଗୁ ଯାତ୍ରାରେ ବିଳମ୍ବ ଘଟିପାରେ।

🌹ବିଛା:ସାଧାରଣ କଥାକୁ କେନ୍ଦ୍ରକରି ମଧ୍ୟାହ୍ନେ ମନରେ ବିରକ୍ତିଭାବ ସୃଷ୍ଟି ହୋଇପାରେ। ସଭାସମିତିରେ ଆଲୋଚନା ଦ୍ୱାରା ସମସ୍ୟାର ସରଳ ସମାଧାନ ହୋଇପାରିବ। ପାରିବାରିିକ ସମସ୍ୟାର ସରଳ ସମାଧାନ କରିବାରେ ପଡୋଶୀଙ୍କ ଅବଦାନ ସ୍ମରଣୀୟ ରହିବ। ଗତକାଲି ଠାରୁ ଭାବୁଥିବା କାମଟିକୁ ଆଜିହିଁ ଶେଷ କରିପାରିବେ।

🌹ଧନୁ:ସାମାନ୍ୟ ଶାରୀରିକ ଅସୁସ୍ଥି ଅନୁଭବ କରିବା ସହ ପ୍ରିୟଜନଙ୍କ ସହ ସମ୍ପର୍କ ହାନି ଯୋଗୁ ଚିନ୍ତିତ ହେବାକୁ ପଡିବ। ଘରେ ଭୁଲ୍‌ ବୁଝାମଣା ହେତୁ ସ୍ତ୍ରୀଙ୍କ ସହ ମତ ପାର୍ଥକ୍ୟ ଦେଖା ଦେଇପାରେ। ଆଜିର ପ୍ରତ୍ୟୁଷ ଯାତ୍ରାରେ ସଫଳତା ମିଳିବ। ବିବାଦୀୟ ପରିସ୍ଥିତିରେ ଘଟଣାର ଗୁରୁତ୍ୱ ନବୁଝି ଅଯଥା କ୍ରୋଧ ପ୍ରକାଶ କରିପାରନ୍ତି।

🌹ମକର:ବନ୍ଧୁଙ୍କ ଆନ୍ତରିକତାର ପରାମର୍ଶକୁ ନିର୍ବିବାଦରେ ଗହଣ କରିନେଲେ ବିଭିନ୍ନ ଦିଗରୁ ଉପକୃତ ହୋଇପାରିବେ। କର୍ମକ୍ଷେତ୍ରରେ ଉପରିସ୍ଥଙ୍କ ସାହାଯ୍ୟ ଲାଭକରି ସ୍ଥଗିତ କାମକୁ ପୂରା ଦମରେ କରିବାପାଇଁ ନିଷ୍ପତି ନେଇପାରନ୍ତି। ପ୍ରତ୍ୟେକ କ୍ଷେତ୍ରରେ ନୀରବଦ୍ରଷ୍ଟା ଭଳି କାମ କରି ସମସ୍ୟା ସମାଧାନ କରିପାରିବେ।

🌹କୁମ୍ଭ:ସରଳ ଭାବରେ କୌଣସି କଥାକୁ ଗ୍ରହଣ ନ କରି ପରୀକ୍ଷା କରି କାମରେ ଲଗାଇଲେ ଉପକୃତ ହୋଇପାରିବେ। ଅଫିସରେ ବାଦବିବାଦ କ୍ରମେ ଜଟିଳ ହେବ କିନ୍ତୁ ଆପଣ ଅବଶ୍ୟ ସଫଳତା ହାସଲ କରିବେ। ଜମିଜମା ବ୍ୟବସାୟରେ ଉନ୍ନତି କରିବା ସହ ନିକଟ ସମ୍ପର୍କୀୟଙ୍କ ସହ ସମ୍ପର୍କରେ ଉନ୍ନତି ପରିଲକ୍ଷିତ ହେବ।

🌹ମୀନ:ଆଜିର ନିଜଲକ୍ଷ୍ୟ ପୂରଣ ହେବାରେ ଜଣେ ଅଜଣାବନ୍ଧୁଙ୍କ ସାହାଯ୍ୟ ଅବିସ୍ମରଣୀୟ ରହିବ। କୈାଣସି କ୍ଷେତ୍ର୍ରରେ ଆଜି ତରବରିଆ ପଦକ୍ଷେପ ନେବା ଠିକ୍‌ ହେବ ନାହିଁ। ଅସମର୍ଥିତ ସୂତ୍ରରୁ ଶୁଣାକଥାକୁ ବିଶ୍ୱାସ କଲେ ଅସୁବିଧାର ସମ୍ମୁଖୀନ ହୋଇପାରନ୍ତି। ପାରିବାରିକ ଅଶାନ୍ତି ଦେଖାଦେଇପାରେ।

ଆମ ସ୍ୱାସ୍ଥ୍ୟ ଖବର🌿

🌿🌿🌿🌿🌿🌿🌿🌿🌿🌿🌿🌿🌿🌿

ଯଦି ଗାଡିରେ ବସିଲେ ଆପଣଙ୍କର ବାନ୍ତି ହେଉଛି, ତେବେ ଗାଡିରେ ବସିବା ପୂର୍ବରୁ ଏହି ସବୁ କାମ କରନ୍ତୁ ନାହିଁ

ବୁଲିବାକୁ ସମସ୍ତେ ଭଲ ପାଇଥାନ୍ତି। ବିଭିନ୍ନ ଜାଗାକୁ ଯାଇ ବିଭିନ୍ନ ନୂଆ କଥା ଜାଣିବା ପାଇଁ ସମସ୍ତଙ୍କର ଆଗ୍ରହ ରହିଥାଏ।ତେବେ ବୁଲିବାକୁ ଯିବା ପାଇଁ ଆମେ ଗାଡ଼ିରେ ଯାତ୍ରା କରିଥାଉ। ଗାଡି ଦ୍ୱାରା ଆମେ ଆମ ଚାହୁଁଥିବା ଜାଗାରେ ପହଞ୍ଚି ବୁଲାବୁଲି କରିପାରୁ। କିନ୍ତୁ ଗାଡ଼ିରେ ଗଲା ବେଳେ ଆମ ଭିତରୁ ଅନେକଙ୍କର ବାନ୍ତି ହେବା ସମସ୍ୟା ରହିଥାଏ।

ଏହି ସମସ୍ୟା ଆମର ପୁରା ଯାତ୍ରାକୁ ଖରାପ କରିଦେଇଥାଏ। ତେବେ ଏହିଥିରୁ ରକ୍ଷା ପାଇବାକୁ ଆମେ ଆମ ପାଖରେ ଅନେକ ଔଷଧ ନେଇଯାଉ। କିନ୍ତୁ ଏହା କାମ କରେନାହିଁ। ଏଥିପାଇଁ ଯାତ୍ରା ପୂର୍ବରୁ ଆପଣଙ୍କୁ କିଛି ସାବଧାନତା ଅବଲମ୍ବନ କରିବାକୁ ପଡିବ। ଆଜି ଆମେ ଆପଣଙ୍କୁ କହିବୁ ସେମିତି କିଛି ଜିନିଷ ଯାହାକୁ ଆପଣ ଗାଡ଼ିରେ ଯିବା ପୂର୍ବରୁ ଖାଇବା ବା ପିଇବା ଅନୁଚିତ।

୧- ଅଧିକ ଲୁଣ ଜାତୀୟ ପଦାର୍ଥକୁ ଗାଡ଼ିରେ ଯିବା ପୂର୍ବରୁ ଖାଆନ୍ତୁ ନାହିଁ। ଏହିସବୁ ଜିନିଷ ଖାଇବା ଦ୍ୱାରା ଗାଡ଼ିରେ ଯିବା ବେଳେ ବାନ୍ତି ହୋଇଥାଏ।

୨- ଚିପସ କିମ୍ବା ଛଣା ଖାଦ୍ୟ ଜିନିଷକୁ ଖାଇ ଲୋକେ ଟ୍ରାଭେଲ ସମୟର ବୋରନେସକୁ କମେଇଥାନ୍ତି। କିନ୍ତୁ ଏହିସବୁ ଖାଇବା ଦ୍ୱାରା ଦେହରୁ ଜଳୀୟ ଅଂଶ କମିବା ସହ ପେଟରେ ଗ୍ୟାସ ହୋଇଥାଏ ଏବଂ ବାନ୍ତି ହେବାର ସମ୍ଭାବନା ରହିଥାଏ।

୩- ଯାତ୍ରା ସମୟରେ ଚାହା କଫି ପିଇବା ବି ବାନ୍ତି ହେବାର କାରଣ ହୋଇଥାଏ। ଏହିସବୁ ଜିନିଷରେ ଅଧିକ ମାତ୍ରାରେ କେଫିନ ରହିଛି ଯାହା ପିଇବା ପରେ ଗାଡ଼ିରେ ଯାତ୍ରା କରିବା ଆମ ସ୍ୱାସ୍ଥ୍ୟପ୍ରତି ହାନିକାରକ ଅଟେ।

୪- ଗାଡ଼ିରେ ଯିବା ସମୟରେ ବାନ୍ତି ହେବାର ଆଉ ଏକ କାରଣ କୋଲଡ଼ ଡ୍ରିଙ୍କସ ପିଇବା ହୋଇଥାଏ। କୋଲଡ଼ ଡ୍ରିଙ୍କସରେ ମଧ୍ୟ କେଫିନର ଉପସ୍ଥିତି ରହିଛି। ଏହା ବ୍ୟତୀତ ଏଥିରେ ଥିବା ସୋଢା ପେଟରେ ପ୍ରତିକ୍ରିୟା ସୃଷ୍ଟି କରିଥାଏ।

କୋଠଭୋଗ ଖିଆ ହେ ଚକା ଆଖିଆ🌹
➖➖➖➖➖➖➖➖➖➖➖
ହିନ୍ଦୁ ଧର୍ମ କହୁଛି ଯେ ମହାପ୍ରଭୁ ରାମେଶ୍ବର ଧାମରେ ଗାଧୁଆ ପାଧୁଆ ସାରି ବଦ୍ରିକା ଧାମରେ ପ୍ରାର୍ଥନା କରିଥା’ନ୍ତି ଓ ପୁରୀ ଧାମରେ ପେଟେ ଖାଇ ଦ୍ବାରକା ଧାମରେ ଅନନ୍ତ ଶୟନ କରିଥା’ନ୍ତି। କୋଠଭୋଗ ଖିଆ ପୁରୀ ଧାମ ଚକା ଆଖିଆଙ୍କ ପେଟ କଥା କହୁଛି। ଏହା ଏତେ ବଡ଼ ଯେ ଷାଠିଏ ପଉଟିରୁ କମ୍‌ ହେଲେ ତାଙ୍କ ପେଟ ପୂରେ ନାହିଁ।

ଉପବାସ ତାଙ୍କ ଜାତକରେ ନାହିଁ। ଦିନକୁ ନିହାତି ଛଅ ଥର ତାଙ୍କୁ ଛପନ ପ୍ରକାର ଭୋଗରାଗ ଦରକାର। ତାଙ୍କ ରୋଷ ଘର କିଛି ଛୋଟମୋଟ ରୋଷେଇ ଘର ନୁହେଁ। ସେ ଏତେ ଖାଆନ୍ତି ଯେ ତାଙ୍କ ଭୋଜନ ରାନ୍ଧିବା ପାଇଁ ଦୁଇଶହ ଚାଳିଶଟି ଚୁଲି ରହିଛି। ଏହି ରୋଷଘରର ସାଆନ୍ତାଣୀ ହେଉଛନ୍ତି ଲକ୍ଷ୍ମୀ ଠାକୁରାଣୀ, ଯିଏ ଏଠି ବିଭିନ୍ନ ପ୍ରକାର ରୋଷେଇ କରି ପ୍ରତ୍ୟହ ମହାପ୍ରଭୁଙ୍କୁ ପରଶି ଦିଅନ୍ତି। ଲକ୍ଷ୍ମୀ ଠାକୁରାଣୀଙ୍କୁ ହାତ ବଢ଼େଇ ଦେବା ନିମନ୍ତେ ସୁପକାରମାନଙ୍କୁ ଖଞ୍ଜା ଯାଇଛି ଓ ଏମାନଙ୍କୁ ଛାଡ଼ିଦେଲେ ଏହା ଭିତରେ ଅନ୍ୟ କାହାରିକୁ ପ୍ରବେଶ କରିବାକୁ ଅନୁମତି ଦିଆଯାଇ ନାହିଁ। ରୋଷଘର ଅତ୍ୟନ୍ତ ପବିତ୍ର ଅଟେ ଓ ଏହାକୁ ସୁରକ୍ଷିତ ରଖିବା ପାଇଁ ମନ୍ଦିର ପ୍ରଶାସକଙ୍କ ସ୍ବତନ୍ତ୍ର ଦାୟିତ୍ବ ରହିଛି।

ଦୁଃଖର କଥା ଏହି ଲକ୍ଷ୍ମୀ ଠାକୁରାଣୀଙ୍କ ରୋଷେଇ ଘର ଭିତରେ ଅନ୍ଧାର ରାତିରେ କେତେ ଜଣ ଦୁର୍ବୃତ୍ତ ପଶି ବଡ଼ ବଡ଼ ଶାବଳ ଓ କାଠ ଫାଳିଆ ସାହାଯ୍ୟରେ ଲକ୍ଷ୍ମୀ ଠାକୁରାଣୀଙ୍କ ଚୁଲିଗୁଡ଼ିକୁ ଭାଙ୍ଗି ପକେଇଛନ୍ତି। ଆହୁରି ଶୁଣିକି ଆଶ୍ଚର୍ଯ୍ୟ ଲାଗୁଛି ଯେ ଏହାର ସୁରକ୍ଷା ଦାୟିତ୍ବରେ ଥିବା ମନ୍ଦିରର ପ୍ରଶାସକ ଓ ସୁରକ୍ଷା କର୍ମଚାରୀମାନେ କିଏ ଭାଙ୍ଗିଛି ଓ କାହିଁକି ଭାଙ୍ଗିଛି କିଛି ଜାଣିପାରୁନାହାନ୍ତି କି କହିପାରୁନାହାନ୍ତି। ଆଜିକାଲି ମନ୍ଦିର ପ୍ରଶାସନ ମନ୍ଦିରରେ ପ୍ରବେଶ ବ୍ୟବସ୍ଥା ଏତେ କଡ଼ାକଡ଼ି କରି ଦେଇଛନ୍ତି ଯେ ହଜାର ହଜାର ଭକ୍ତ ଖରାରେ ଡହଳ ବିକଳ ହୋଇ ତ୍ରାହି ତ୍ରାହି ଡାକୁଥିଲେ ମଧୢ ସୁରକ୍ଷା ବଳୟ ଦେଇ ଭିତରକୁ ପ୍ରବେଶ କରିପାରୁନାହାନ୍ତି ଅଥଚ ଜଣେ କି ଦୁଇଜଣ ଦୁର୍ବୃତ୍ତ ଲୁହା ଶାବଳ ଓ କାଠ ଫାଳିଆ ନେଇ ସମସ୍ତଙ୍କ ଆଖିରେ ଧୂଳି ଦେଇ ଏତେ ବଡ଼ କାଣ୍ତ କରି ଦେଲେ କିନ୍ତୁ କେହି କିଛି ଜାଣିପାରିଲେ ନାହିଁ କି କରିପାରିଲେ ନାହିଁ। ଏହାଠାରୁ ଆଶ୍ଚର୍ଯ୍ୟ ଆଉ କ’ଣ ହୋଇପାରେ?

ଏହିଠାରେ ମନ୍ଦିରର ପ୍ରଶାସନ ପ୍ରତି ଏକ ଊର୍ଦ୍ଦୁ କବିଙ୍କ ଚାରି ଧାଡ଼ି ସାୟରୀ ମନେ ପଡ଼ିଯାଏ ଯାହା ଥରେ ସ୍ବର୍ଗୀୟା ସୁଷମା ସ୍ବରାଜ ତତ୍‌କାଳୀନ ପ୍ରଧାନମନ୍ତ୍ରୀ ମନମୋହନ ସି˚ହଙ୍କ ଉଦ୍ଦେଶ୍ୟରେ କହିଥିଲେ। ଏହାର ଓଡ଼ିଆ ଭାବାର୍ଥ ହେଉଛି ”ତୁମେ ଆମକୁ ୟ୍ୟାଡୁ ସ୍ୟାଡୁ କଥା ସବୁ କୁହ ନାହିଁ। ଆମର ଦୁବୃର୍ତ୍ତମାନଙ୍କୁ କୌଣସି ପ୍ରଶ୍ନ ନାହିଁ। ଆମର ପ୍ରଶ୍ନ ତୁମକୁ। ତୁମେ କୁହ, ତୁମେ କ’ଣ କରୁଥିଲ?”

ଦୁର୍ଭାଗ୍ୟର କଥା ଯେ ଏହାର ଉତ୍ତର ଆମ ପ୍ରଶାସନ ପାଖରେ ନାହିଁ। ଆଜି ପର୍ଯ୍ୟନ୍ତ ତାଙ୍କର ଗୋଟିଏ ଉତ୍ତର ଓ ତାହା ହେଉଛି ମୁଖ୍ୟ ଶାସନ ସଚିବ, ଆରକ୍ଷୀ ମହାନିର୍ଦ୍ଦେଶକ, ଜିଲ୍ଲାପାଳ ଓ ଅନ୍ୟାନ୍ୟ ପ୍ରଶାସନିକ ଅଧିକାରୀବୃନ୍ଦ ଘଟଣା ସ୍ଥଳ ପରିଦର୍ଶନ କରିଛନ୍ତି ଓ ରୋଷଘର ସ୍ଥିତି ଅନୁଧୢାନ କରିଛନ୍ତି। ଶ୍ରୀମନ୍ଦିର ସୁପରଭାଇଜର ଖବର ପାଇ ସରଜମିନ ତଦନ୍ତ କରିଛନ୍ତି ଏବ˚ ଏହି କାଣ୍ତ କାରଖାନା ସ˚ପର୍କରେ ଶ୍ରୀମନ୍ଦିର ଗାରଦରେ ରିପୋର୍ଟ ଲେଖେଇଛନ୍ତି। ଏହି ସୁପରଭାଇଜରଙ୍କ ରିପୋର୍ଟ ଆଧାରରେ ଘଟଣାର ତଦନ୍ତ ଦାୟିତ୍ବ ଶ୍ରୀମନ୍ଦିର ପ୍ରଶାସନର ଦୁଇ ଜଣ ପ୍ରଶାସକଙ୍କୁ ଦିଆଯାଇଛି। ଏହି ଉତ୍ତରର ନିଷ୍କର୍ଷ ହେଲା ଶ୍ରୀମନ୍ଦିରର ପ୍ରଶାସନର ଅବହେଳାର ତଦନ୍ତ ଦାୟିତ୍ବ ଶ୍ରୀମନ୍ଦିରର ପ୍ରଶାସକମାନଙ୍କୁ ହିଁ ଦିଆଯାଇଛି। ଦୁଇ ତିନି ଦିନ ପରେ ରିପୋର୍ଟ ଆସିବ। ଜଣେ ଦୁଇ ଜଣ ଗିରଫ ହେବେ ଏବ˚ ଏହି କାହାଣୀର ପୂର୍ଣ୍ଣଚ୍ଛେଦ ପଡ଼ିବ।

କାହାଣୀର ପୂର୍ଣ୍ଣଚ୍ଛେଦ ହୁଏତ ଏଠାରେ ପଡ଼ିପାରେ କିନ୍ତୁ ଶ୍ରୀମନ୍ଦିର ଇତିହାସରେ ଏହିପରି ଏକ କଳଙ୍କିତ ଘଟଣା, ମହାପ୍ରଭୁ ଓ ମହାଲକ୍ଷ୍ମୀଙ୍କ ପ୍ରତି ଅବମାନନା, ଏହାର ପୂର୍ଣ୍ଣଚ୍ଛେଦ ପକେଇବ କିଏ? ପଲ୍ଲୀଠୁ ନେଇ ଦିଲ୍ଲୀ ପର୍ଯ୍ୟନ୍ତ ଆଜି ଜଗାକୁ ନେଇ କେବଳ ଘୃଣ୍ୟ ରାଜନୀତି ଚାଲିଛି। ଏହି ଘୃଣ୍ୟ ରାଜନୀତି‌େର ଆଜି ଆଉ ଗୋଟେ କଳଙ୍କିତ ପୃଷ୍ଠା ଯୋଡ଼ି ହୋଇଯାଇଛି। ଦିଲ୍ଲୀ ଦରବାରର ପବିତ୍ର ସଦନ ଭିତରେ ଜଣେ କହୁଛି ଯେ ଆମେ ନିର୍ମାଣ କରିବାକୁ ଅନୁମତି ଆଣିଛୁ ତ ଅନ୍ୟ ଜଣେ କହୁଛି ଯେ ତୁମେ ନିର୍ମାଣ କରିବାକୁ ଅନୁମତି ଆଣି ନାହିଁ। ଜଣେ କହୁଛି ଯେ ହେଇଟି ଦେଖ ‘ଅନୁମତି ପତ୍ର’ ତ ଅନ୍ୟ ଜଣେ କହୁଛି ଯେ ଏଇଟା ଅନୁମତି ପତ୍ର ନୁହେଁ, ଏହା ଏକ ‘ଚିଠି ମାତ୍ର’। କିଏ ସତ କହୁଛି, କିଏ ମିଛ କହୁଛି ଜାଣିବା ପୂର୍ବରୁ ଏହି ରୋଷଘର କାଣ୍ତ କାରଖାନା ଜଗା ରାଜନୀତିକୁ ଆହୁରି ସରଗରମ କରିଦେଇଛି।

ବନ୍ଧୁଗଣ, ଓଡ଼ିଶାର ପ୍ରାଣବିନ୍ଦୁ, ଇଷ୍ଟଦେବ ଶ୍ରୀଜଗନ୍ନାଥଙ୍କ ମନ୍ଦିରର ସୁରକ୍ଷାକୁ ନେଇ ଯେ କୌଣସି ରାଜନୀତି ଅକ୍ଷମଣୀୟ ଅଟେ। ଥରେ ମହାରାଜାଙ୍କ ରାତ୍ରି ଜଗୁଆଳି ମହାରାଜାଙ୍କୁ ପାରିଧିକୁ ନ ଯିବା ପାଇଁ ସତର୍କ କରି କହିଲା ”ମହାରାଜା, ମୁଁ ସ୍ବପ୍ନ ଦେଖିଛି ଯେ ଆପଣ ଆଜି ପାରିଧି ଯିବା ସମୟରେ ହଠାତ୍‌ ଦୁର୍ଘଟଣାଗ୍ରସ୍ତ ହୋଇପଡ଼ି ଅଚେତ ହୋଇଯାଇଛନ୍ତି। ତେଣୁ ଦୟା କରି ଆଜି ପାରିଧିକୁ ଯାଆନ୍ତୁ ନାହିଁ। ସତକୁ ସତ ସେହି ଦିନ ସେହି ଅଞ୍ଚଳରେ ଏକ ବଡ଼ ଦୁର୍ଘଟଣା ଘଟିଥିଲା। ଦରବାରରେ ମହାରାଜ ଖୁସି ହୋଇ ତାକୁ ଶହେ ସୁବର୍ଣ୍ଣ ମୁଦ୍ରାରେ ପୁରସ୍କୃତ କରି ତୁରନ୍ତ ତାହାର ମୃତ୍ୟୁ ଦଣ୍ତ ଘୋଷଣା କଲେ। ଦରବାରରେ ଉପସ୍ଥିତ ସମସ୍ତ ଚକିତ ନୟନକୁ ମହାରାଜା ଉତ୍ତର ଦେଇ କହିଥିଲେ, ”ରାତ୍ରିକାଳୀନ ସୁରକ୍ଷା ନିମନ୍ତେ ନିୟୋଜିତ ସୁରକ୍ଷା କର୍ମଚାରୀଙ୍କ ସ୍ବପ୍ନ ଦେଖିବା ଏକ ଅକ୍ଷମଣୀୟ ଅପରାଧ ଅଟେ।”