ଅମୃତସର: ବିମାନରେ ଜନୈକା ଏୟାର ହୋଷ୍ଟେସ୍ଙ୍କୁ ଦୁର୍ବ୍ୟବହାର ପ୍ରଦର୍ଶନ କରିଥିବା ଅଭିଯୋଗରେ ପଞ୍ଜାବ ପୁଲିସ ଶନିବାର ଜଣେ ବିମାନ ଯାତ୍ରୀଙ୍କୁ ଅମୃତସର ଏୟାରପୋର୍ଟରୁ ଗିରଫ କରିଛି । ଦୁବାଇରୁ ଅମୃତସର ଆସୁଥିବା ବିମାନରେ ଏହି ଘଟଣା ଘଟିଛି ।
ପ୍ରଚୁର ମଦ୍ୟପାନ କରିଥିବା ଯାତ୍ରୀଜଣକ କୌଣସି କାରଣରୁ ଏୟାର ହୋଷ୍ଟେସ୍ଙ୍କ ସହ ଯୁକ୍ତିତର୍କ କରିବାପରେ ତାଙ୍କୁ ଦୁର୍ବ୍ୟବହାର କରିଥିଲେ । ଫଳରେ ବିମାନ କ୍ରିଉ ପକ୍ଷରୁ ଅମୃତସର ଏୟାରପୋର୍ଟକୁ ସୂଚୀତ କରାଯାଇଥିଲା । ବିମାନଟି ଅମୃତସରରେ ଅବତରଣ କରିବାପରେ ସଂପୃକ୍ତ ଯାତ୍ରୀଙ୍କୁ ଗିରଫ କରାଯାଇଛି । ଭାରତୀୟ ପିଙ୍ଗଳ କୋଡ୍ର ବିଭିନ୍ନ ଧାରା ଅନୁଯାୟୀ ତାଙ୍କ ବିରୋଧରେ ମାମଲା ରୁଜୁ କରାଯାଇଥିବା ପୁଲିସ ପକ୍ଷରୁ କୁହାଯାଇଛି ।
