ବାୟୁ ସେନା ବିମାନ ଦୁର୍ଘଟଣାଗ୍ରସ୍ତ

ରାଜସ୍ଥାନ : ରାଜସ୍ଥାନର ଜୈସଲମେର ଅଞ୍ଚଳରେ ଭାରତୀୟ ସେନାର ଏକ ଏୟାରକ୍ରାଫ୍ଟ ଦୁର୍ଘଟଣାଗ୍ରସ୍ତ ହୋଇଥିବା ସୂଚନା ମିଳିଛି। ଜୈସେଲମେରର ଜବାହାର ନଗରରେ ଏହି ଦୁର୍ଘଟଣା ଘଟିଥିବା ବେଳେ ଏଥିରେ କୌଣସି ପ୍ରାଣହାନୀ ହୋଇନାହିଁ । ସଠିକ୍ ସମୟରେ ପାଇଲଟ ଜଣକ ପ୍ଲେନରୁ ଡେଇଁ ନିଜ ଜୀବନ ବଂଚାଇଛନ୍ତି । ସୂଚନା ମୁତାବକ, ମଙ୍ଗଳବାର ଦୁର୍ଘଟଣାଗ୍ରସ୍ତ ହେଇଥିବା ଭାରତୀୟ ସେନାର ଏହି ଏୟାରକ୍ରାଫ୍ଟ ଏକ ଲାଇଟ୍ କମ୍ବାକ୍ଟ ଏୟାରକ୍ରାଫ୍ଟ ହୋଇଥିବା ବେଳେ ଏହାର ନାମ ‘ତେଜସ୍’ ଥିଲା। ତେବେ ଦୁର୍ଘଟଣା ହେବା ସମୟରେ ଏହି ଏୟାରକ୍ରାଫ୍ଟ ଏକ ଅପରେସନାଲ ଟ୍ରେନିଂରେ ରହିଥିଲା । ତେବେ ଦୁର୍ଘଟଣାଗ୍ରସ୍ତ ହେବା ପରେ ଏହି ମାମଲାର ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି ।