ଜ୍ଞାନ ଅର୍ଜନ ପାଇଁ ବୟସ ବାଧକ ନୁହେଁ : ୯୦ ବର୍ଷ ବୟସରେ ସ୍ନାତକୋତ୍ତର ଡିଗ୍ରି ହାସଲ କଲେ ମିନି ପେନ୍

ୱାସିଂଟନ:ଜ୍ଞାନ ଅର୍ଜନ ପାଇଁ ବୟସ ବାଧକ ନୁହେଁ ୯୦ ବର୍ଷ ବୟସରେ ସ୍ନାତକୋତ୍ତର ଡିଗ୍ରି ହାସଲ କଲେ ମିନି ପେନ୍। ଏହା ପ୍ରମାଣ କରି ଦେଖାଇଛନ୍ତି, ଉତ୍ତର ଟେକ୍ସାସ ବିଶ୍ୱବିଦ୍ୟାଳୟର ସବୁଠାରୁ ବୟସ୍କ ଗ୍ରାଜୁଏଟ୍ ୯୦ ବର୍ଷୀୟା ମହିଳା ମିନି ପେନ୍, ଯିଏ ଚଳିତ ସପ୍ତାହରେ ଅନ୍ତର୍ବିଭାଗୀୟ ଅଧ୍ୟୟନରେ ସ୍ନାତକୋତ୍ତର ଡିଗ୍ରି ହାସଲ କରିଛନ୍ତି। ମିନି ପେନ୍ ୨୦୦୬ ମସିହାରେ ୭୩ ବର୍ଷ ବୟସରେ ଟେକ୍ସାସ୍ ଓମେନ୍ସ ୟୁନିଭର୍ସିଟିରୁ ସାଧାରଣ ଅଧ୍ୟୟନରେ ସ୍ନାତକ ଡିଗ୍ରି ହାସଲ କରିବା ପରେ ଚଳିତ ସପ୍ତାହରେ ସ୍ନାତକୋତ୍ତର ଡିଗ୍ରି ହାସଲ କରିଛନ୍ତି। ସ୍ନାତକ ହେବା ପରେ ସେ ୧୬ ବର୍ଷ ପର୍ଯ୍ୟନ୍ତ କପି ଏଡିଟର ଭାବରେ କାମ କରିଥିଲେ ଏବଂ ବର୍ତ୍ତମାନ ହ୍ୟୁଷ୍ଟନ୍ ମାଗାଜିନରେ କାମ କରୁଛନ୍ତି। ଯେତେଦିନ ଯାଏ ପାରିବେ ସେ ଏହି କାମ କରିଚାଲିବେ ବୋଲି କହିଛନ୍ତି।ପେନ୍ କହିଛନ୍ତି, ଅଣ୍ଡରଗ୍ରାଜୁଏଟ୍‌ ପଢ଼ା ଆରମ୍ଭ କରିବା ବେ‌ଳେ ମୁଁ ସାତଟାରେ ମୋ ଡେସ୍କରେ ବସୁଥିଲି। ମୁଁ ଜଣେ ଟ୍ରାନ୍ସକ୍ରିପ୍ସନିଷ୍ଟ ଏବଂ ୱାର୍ଡ ପ୍ରୋସେସର ଥିଲି, ଏବଂ ମୁଁ ଭୋର ସାଢ଼େ ୪ଟାରେ ଉଠି କଫି ପିଉଥିଲି, ଟେକ୍ସାସର କ୍ୟାରୋଲଟନରେ ତିନିଥର ଏପଟସେପଟ ହୋଇ ଚାଲୁଥିଲି, ଜଳଖିଆ ଖାଉଥିଲି, ଗାଧୋଇଥିଲି, ପ୍ରସ୍ତୁତ ହେଉଥିଲି ଏବଂ ତା’ପରେ ମୋ ପଢ଼ା ଡେସ୍କରେ ବସୁଥିଲି। ମିନି ପେନ୍ ୟୁନିଭର୍ସିଟି ଅଫ୍ ନର୍ଥ ଟେକ୍ସାସରୁ ଭଲ ମାର୍କ ରଖି ସ୍ନାତକ ଡିଗ୍ରି ହାସଲ କରିଥିଲେ। ତାଙ୍କ ୨୩ ବର୍ଷୀୟ ନାତି ମଧ୍ୟ ଏକାଦିନ ଡିଗ୍ରି ପାଇଥିଲେ। ପେନ୍ ସାଧାରଣ ବ୍ୟବସାୟୀ ପରିବାରରେ ଜନ୍ମ ହୋଇଥିଲେ। ସେ ୧୯୫୦ ମସିହାରେ ହାଇସ୍କୁଲ ଶିକ୍ଷା ଶେଷ କରିଥିଲେ ଏବଂ କିରାଣି ଭାବରେ ରିଅଲ ଇଷ୍ଟେଟ ଚାକିରି ପାଇବା ପର୍ଯ୍ୟନ୍ତ ଜୁନିୟର କଲେଜରେ ପଢ଼ିଥିଲେ। ସେ ୧୯୬୧ ମସିହାରେ ତାଙ୍କ ସ୍ବର୍ଗତ ସ୍ୱାମୀ ଡେଲଙ୍କୁ ବିବାହ କରିଥିଲେ ଏବଂ ସାଉଥ୍ କରୋଲିନା ଇଣ୍ଡଷ୍ଟ୍ରିଆଲ କମିସନରେ କୋର୍ଟ ରିପୋର୍ଟର ଭାବରେ କାର୍ଯ୍ୟ କରିଥିଲେ। ୩୦ ବର୍ଷ ଧରି ଟେକ୍ସାସରେ ବସବାସ କରିବା ପର୍ଯ୍ୟନ୍ତ ସେ ତାଙ୍କ ସ୍ୱାମୀଙ୍କ ଚାକିରି ପାଇଁ ବିଭିନ୍ନ ରାଜ୍ୟ ବୁଲିଥିଲେ। ନିଜର ଦୁଇ ପିଲାଙ୍କ ଯତ୍ନ ନେବା ପାଇଁ ସେ କିଛି ଦିନ ଗୃହିଣୀ ମଧ୍ୟ ଥିଲେ। ଏହାପରେ ସେ ୩୦ ବର୍ଷ ପାଇଁ ବିକଳ୍ପ ଶିକ୍ଷକ, ଟ୍ରାନ୍ସକ୍ରିପ୍ସନିଷ୍ଟ ଏବଂ ୱାର୍ଡ ପ୍ରସେସର ହୋଇଥିଲେ। ସେ ତିନୋଟି ସାମ୍ବାଦିକତା ଏବଂ ଗୋଟିଏ ବିଜନେସ୍ କୋର୍ସ ମଧ୍ୟ କରିଥିଲେ।