କଟକରେ ପୁଣି ତାଲିବାନୀ ଶାସନ, ଯୁବକଙ୍କୁ ବିଚ୍ ରାସ୍ତାରେ ଆଣ୍ଠେଇ ମାଡ଼ ମାରିଲେ

କଟକ : କଟକରେ ପୁଣି ଥରେ ତାଲିବାନୀ ଶାସନର ପୁନରାବୃତ୍ତି ହୋଇଛି।ସାଇଡ ମରାକୁ ନେଇ ଘଟିଛି ଏପରି କାଣ୍ଡ । ଜଣେ ଯୁବକଙ୍କୁ ବିଚ୍ ରାସ୍ତାରେ ଆଣ୍ଠେଇ ମାଡ଼ ମରାଯିବା ସହ ଘୋଷାଡ଼ି ଘୋଷାଡ଼ି ନିଆଯାଇଥିବା ଅଭିଯୋଗ ହୋଇଛି । କଟକ ପ୍ରତାପନଗରୀ ଅଂଚଳର ଏ ଘଟଣା । ଆଜି ସକାଳେ କାର୍ ଓଭରଟେକିଂକୁ ନେଇ ଜଣେ ଯୁବକଙ୍କୁ ପ୍ରାୟ ୧୦, ୧୨ ଯୁବକ ଆଣ୍ଠେଇ ଦେଇଥିବା ଅଭିଯୋଗ ହୋଇଛି । ଏହାଦେଖି ସ୍ଥାନୀୟ ଅଞ୍ଚଳର କିଛି ଯୁବକ ପ୍ରତିବାଦ କରିଥିଲେ। ଫଳରେ ଅଭିଯୁକ୍ତମାନେ ସେମାନଙ୍କୁ ମଧ୍ୟ ମାଡ଼ ମାରି ଆହତ କରିଥିବା ଅଭିଯୋଗ ହୋଇଛି। ଏହାପରେ ଆକ୍ରମଣକାରୀମାନେ ୨ଟି ଗାଡ଼ିରେ କଟକ ଅଭିମୁଖେ ପଳାଇଥିବା ସିସିଟିଭି ଫୁଟେଜରେ ଦେଖିବାକୁ ମିଳିଛି। ଏହି ଘଟଣାକୁ ନେଇ କଟକ ସଦର ଥାନାରେ ଆହତ ହୋଇଥିବା କଟକ ପ୍ରତାପନଗରୀର ଜଣେ ଯୁବକ ୧୦ ଜଣଙ୍କ ନାଁରେ ଲିଖିତ ଅଭିଯୋଗ କରିଛନ୍ତି ।