ବରକନ୍ୟାଙ୍କୁ ନେଇ ଫେରୁଥିବା ବେଳେ ବୋଲେରୋ ଦୁର୍ଘଟଣା : ଡ୍ରାଇଭରର ମୃତ, ବରକନ୍ୟା ଗୁରୁତର

କୋକସରା : ବରକନ୍ୟାଙ୍କୁ ନେଇ ଫେରୁଥିବା ବେଳେ ବୋଲେରୋ ସହ ଏକ ଟ୍ରକର ମୁହାଁମୁହିଁ ଧକ୍କା ହୋଇଛି। ଏହାଫଳରେ ବୋଲେରୋ ଡ୍ରାଇଭରର ମୃତ୍ୟୁ ହୋଇଛି। ଏଥିରେ ବରକନ୍ୟା ଗୁରୁତର ହୋଇଛନ୍ତି। ଏହି ମର୍ମନ୍ତୁଦ ଦୁର୍ଘଟଣାରେ ବୋଲେରୋଟି ଭାଙ୍ଗି ଚୁରମାର ହୋଇଯାଇଛି । ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତିରେ ବରକନ୍ୟାଙ୍କୁ ନେଇ ଫେରୁଥିବା ବେଳେ ଏକ ବୋଲେରୋ ଗାଡ଼ିକୁ ଆମପାଣି ଥାନା ବିଜୁ ଏକ୍ସପ୍ରେସ ୱେ ରାସ୍ତା ଭୁର୍ଷାଗୁଡ଼ା ନିକଟରେ ସାମ୍ନା ପଟୁ ଆସୁଥିବା ଏକ ଟ୍ରକ ସହ ମୁହାଁମୁହିଁ ଧକ୍କା ହୋଇଥିଲା ଏହାଫଳରେ ବୋଲେରୋରେ ଥିବା ବରକନ୍ୟାଙ୍କ ସମେତ ୫/୬ ଜଣ ଗୁରୁତର ହୋଇଥିଲେ।  ଡ୍ରାଇଭରଙ୍କୁ ଉଦ୍ଧାର କରି ଆମପାଣି ପୁଲିସ କୋକସରା ହସ୍ପିଟାଲକୁ ଚିକିତ୍ସା ପାଇଁ ସ୍ଥାନାନ୍ତର ବେଳେ ହସ୍ପିଟାଲ ପହଞ୍ଚିବା ପୂର୍ବରୁ ଡ୍ରାଇଭର ମୃତ୍ୟୁ ହୋଇଥିବା ସୁଚନା ମିଲିଛି। ଅନ୍ୟ ସମସ୍ତେ ଗୁରୁତର ଅବସ୍ଥାରେ ଧର୍ମଗଡ଼ ହସ୍ପିଟାଲରେ ଚିକିତ୍ସିତ ହେଉଥିବା ଜଣାପଡ଼ିଛି। ମୃତ ଡ୍ରାଇଭର ହେଲେ ଛତିଶଗଡ଼ ଉର୍ମାଲ ଗାଁର ରୁକ୍ମଣ ସାହୁ। ଆମପାଣି ପୁଲିସ ଏକ ଦୁର୍ଘଟଣାଜନିତ ମାମଲା ରୁଜୁ କରି ତଦନ୍ତ ଜାରି ରଖିଛି।