ରାୟପୁର: ଛତିଶଗଡ ରାୟପୁରର ଜଗଦଲପୁରରେ ଭୟଙ୍କର ସଡକ ଦୁର୍ଘଟଣା । ଜାତୀୟ ରାଜପଥରେ ଆଜି ଏକ ବସ ସହିତ କାରର ଧକ୍କା ହୋଇଛି। ଫଳରେ ୫ ଯୁବକଙ୍କର ମୃତ୍ୟୁ ହୋଇଛି । ଦୁର୍ଘଟଣାରେ ଜଣେ ଯୁବକ ଗୁରୁତର ଆହତ ହୋଇଥିଲେ । ଘଟଣାସ୍ଥଳରେ ୪ଜଣଙ୍କ ମୃତ୍ୟୁ ହୋଇଥିବାବେଳେ ଆହତ ଯୁବକ ଜଣଙ୍କ ଡାକ୍ତରଖାନା ଯିବା ବାଟରେ ଆଖି ବୁଜିଛନ୍ତି । ଦୁର୍ଘଟଣା ଏତେ ଭୟଙ୍କର ଥିଲା ଯେ କାରଟି ସମ୍ପୂର୍ଣ୍ଣ ଭାଙ୍ଗି ଯାଇଥିଲା । କାର ଭିତରୁ ମୃତଦେହ ବାହାର କରିବା ବି କଷ୍ଟକର ହୋଇପଡିଥିଲା ।
ଗ୍ୟାସ କଟର ସାହାଯ୍ୟରେ ମୃତଦେହ କଢା ଯାଇଥିଲା । ୪ ଯୁବକ ଜଗଦଲପୁରର ଅଲଗା ଅଲଗା ସ୍ଥାନର ଓ ଜଣେ ସୁକମା ଜିଲ୍ଲାର ବୋଲି ଜଣାପଡିଛି । ମୃତକଙ୍କ ପରିବାର ଲୋକଙ୍କ ସହିତ ପୋଲିସ ଯୋଗାଯୋଗ କରୁଛି । ଘଟଣାକୁ ନେଇ ସୂଚନା ଦେଇ ପୋଲିସ ଅଧୀକ୍ଷକ ହେମସାଗର ସିଦାର କହିଛନ୍ତି, ପାୟଲ ଟ୍ରାଭେଲ୍ସର ବସ ଯାତ୍ରୀଙ୍କୁ ନେଇ ରାୟପୁରରୁ ଜବଦଲପୁରକୁ ଆସୁଥିଲା । ଆସନା ଆଗକୁ ମେଟାବାଡା ପୁଲ ପାଖରେ ଜଗଦଲପୁରୁ ରାୟପୁରକୁ ଆସୁଥିବା ଏକ ଟାଟା ନେକ୍ସା କାର ସହ ଧକ୍କା ହୋଇଥିଲା । କାରରେ ଥିବା ୫ ଜଣ ଯୁବକଙ୍କ ମୃତ୍ୟୁ ହୋଇଛି ।
