ନୂଆଦିଲ୍ଲୀ: ଆମ୍ ଆଦ୍ମୀ ପାର୍ଟି (ଆପ୍)ର ୩ ପ୍ରାର୍ଥୀ ସଞ୍ଜୟ ସିଂହ, ସ୍ୱାତୀ ମାଲିୱାଲ୍ ଏବଂ ଏନ୍ଡି ଗୁପ୍ତା ନିନ୍ଦ୍ୱର୍ନ୍ଦ୍ୱରେ ରାଜ୍ୟସଭାକୁ ନିର୍ବାଚିତ ହୋଇଛନ୍ତି । ଏସମ୍ପର୍କରେ ନିର୍ବାଚନ ଆୟୋଗଙ୍କ ପକ୍ଷରୁ ସୂଚନା ଆସିଛି । ଶୁକ୍ରବାର ଏହି ୩ ନେତା ସେମାନଙ୍କ ବିଜୟ ପ୍ରମାଣପତ୍ର ନିର୍ବାଚନ ଅଧିକାରୀଙ୍କ ଠାରୁ ଗ୍ରହଣ କରିଛନ୍ତି । ପ୍ରକାଶ, ସଞ୍ଜୟ ସିଂହ ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ଛନ୍ଦି ହୋଇ ଜେଲ୍ଦଣ୍ଡ ଭୋଗ କରୁଥିବା ବେଳେ ଆପ୍ ତାଙ୍କୁ ରାଜ୍ୟସଭା ପ୍ରାର୍ଥୀ କରିଥିଲା । କୋର୍ଟ ମଧ୍ୟ ସଞ୍ଜୟ ସିଂହଙ୍କୁ ରାଜ୍ୟସଭା ପାଇଁ ନାମାଙ୍କନ ପତ୍ର ଦାଖଲ କରିବାକୁ ସ୍ୱୀକୃତି ଦେଇଥିଲେ ।
ସେହିପରି ଦିଲ୍ଳୀ ମହିଳା କମିଶନ ଭାବେ ଦାୟିତ୍ୱ ନିର୍ବାହ କରିଥିବା ସ୍ୱାତୀ ମାଲିୱାଲ୍ଙ୍କୁ ମଧ୍ୟ ପ୍ରଥମ ଥର ପାଇଁ ରାଜ୍ୟସଭାକୁ ପଠାଇବାକୁ ଆପ୍ ଚିନ୍ତା କରିଥିଲା । ଏହି ଆଧାରରେ ସ୍ୱାତୀ ନିଜ ପଦରୁ ଇସ୍ତଫା ଦେଇ ନାମାଙ୍କନ ପତ୍ର ଦାଖଲ କରିଥିଲେ । ସୂଚନାଯୋଗ୍ୟ ଆଗାମୀ ଦିନରେ ରାଜ୍ୟସଭାରେ ଦିଲ୍ଲୀ କୋଟା ଅନୁସାରେ ୩ ଆସନ ଖାଲି ହେବାକୁ ଯାଉଛି ।
