ସୋର: ସୋର ରେଳ ଷ୍ଟେସନ ନିକଟରେ ଟ୍ରେନରେ କଟି ଜଣେ ଯୁବକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ମିଳିଥିବା ରିପୋର୍ଟ ମୁତାବକ, ସୋର ରେଳ ଷ୍ଟେସନ ଅନତି ଦୂର ଡାଉନଲାଇନ ନିକଟରେ ଜଣେ ବ୍ୟକ୍ତି ଛିଡ଼ା ହୋଇଥିବାର ସ୍ଥାନୀୟ ଲୋକ ଦେଖିଥିଲେ । ଆଉ ଏହାର କିଛି ସମୟ ପରେ ଭୁବନେଶ୍ୱରରୁ ହାୱଡ଼ା ଅଭିମୁଖେ ଜନଶତାବ୍ଦୀ ଏକ୍ସପ୍ରେସ ଟ୍ରେନ ଯାଇଥିଲା ।
ପରେ ଯୁବକ ଜଣଙ୍କର ମୃତଦେହ ରେଳ ଲାଇନ୍ରେ ପଡ଼ିଥିବା ଦେଖିବାକୁ ମିଳିଥିଲା ଏବଂ ତା’ର ଶରୀରରୁ ମୁଣ୍ଡ ସମ୍ପୂର୍ଣ ଭାବେ ଅଲଗା ହୋଇଯାଇଥିଲା । ବ୍ୟକ୍ତି ଜଣକ ଟ୍ରେନ୍ ଆଗରେ ଆତ୍ମହତ୍ୟା କରିଥିବା ନେଇ ସନ୍ଦେହ କରାଯାଉଛି । ଖବର ପାଇ ଆରପିଏଫ୍ କର୍ମଚାରୀ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଛେଦ ପାଇଁ ବାଲେଶ୍ୱର ନେଇଥିବାବେଳେ ଯୁବକଙ୍କ ପରିଚୟ ମିଳିପାରିନାହିଁ ।
