ପାରିବାରିକ କଳହର କରୁଣ ପରିଣତି, ସ୍ଵାମୀକୁ ହତ୍ୟା କଲା ସ୍ତ୍ରୀ

ଗଞ୍ଜାମ: ପାରିବାରିକ କଳହର କରୁଣ ପରିଣତି। ସ୍ଵାମୀକୁ ହତ୍ୟା କଲା ସ୍ତ୍ରୀ। ସହଯୋଗ କଲେ ୨ ପୁଅ। ଗଞ୍ଜାମ ଜିଲ୍ଲା ଖଲ୍ଲିକୋଟ ତୋଟା ଗାଁରେ ଏଭଳି ଅଭାବନୀୟ ଘଟଣା ଘଟିଛି। ସ୍ତ୍ରୀ ଓ ୨ ପୁଅଙ୍କୁ ପୋଲିସ ଥାନାରେ ଅଟକ ରଖିଛି। ସୂଚନାନୁଯାୟୀ, ଖଲ୍ଲିକୋଟ ତୋଟା ଗାଁର ସୂର୍ଯ୍ୟ ପାହାନ ଦୀର୍ଘ ଦିନ ହେଲା ତାଙ୍କ ସ୍ତ୍ରୀ ଓ ୨ ପୁଅଙ୍କ ଉପରେ ଅତ୍ୟାଚାର କରି ଆସୁଥିଲେ। ଏଥିରେ ଅତିଷ୍ଠ ହୋଇ ସୂର୍ଯ୍ୟଙ୍କ ସ୍ତ୍ରୀ ଓ ତାଙ୍କର ଦୁଇ ପୁଅ ସୂର୍ଯ୍ୟଙ୍କୁ ହତ୍ୟା କରିଛନ୍ତି। ମଙ୍ଗଳବାର ରାତି ପ୍ରାୟ ୧୦ଟା ବେଳେ ଗାଁ ମଶାଣୀରୁ ସୂର୍ଯ୍ୟ ପାହାନଙ୍କ ରକ୍ତ ଜୁଡ଼ୁବୁଡ଼ୁ ମୃତଦେହ ଉଦ୍ଧାର ହୋଇଛି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ସ୍ତ୍ରୀ ଓ ୨ ପୁଅଙ୍କୁ ଗିରଫ କରିଛି। ଏନେଇ ପୋଲିସ ଅଧିକ ତଦନ୍ତ କରୁଛି।

ଜାଣନ୍ତୁ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ କାର୍ଯ୍ୟକ୍ରମ….