ହାଇୱା ଧକ୍କାରେ ୪ ବର୍ଷର ଶିଶୁପୁତ୍ର ମୃତ

ମୋହନା: ହାଇୱା ଚାପାରେ ୪ ବର୍ଷର ଶିଶୁପୁତ୍ର ମୃତ । ଏଭଳି ଘଟଣା ଘଟିଛି ଗଜପତି ଜ଼ିଲ୍ଲା ମୋହନା ଥାନା ଅନ୍ତର୍ଗତ ମାଣିକପୁର ଗ୍ରାମ ହନୁମାନ ମନ୍ଦିର ନିକଟରେ । ସୂଚନା ପ୍ରକାରେ ଗ୍ରାମର କୁନା ପାଇକଙ୍କ ୪ ବର୍ଷର ଶିଶୁପୁତ୍ର ସାଇ ପାଇକ ନିଜ ଦାଦା ନରେନ୍ଦ୍ର ପାଇକଙ୍କ ସହ ନିକଟସ୍ଥ ଘାଇକୁ ଗାଧୋଇବା ପାଇଁ ଯାଉଥିଲା । ଏହି ସମୟରେ କିଡାସିଂ କ୍ରସରେ ପିଚୁ ଲୋଡ୍ କରି ହାଇୱ ଗାଡି (ନଂ-ଓଡି-ଠ୭-ଏଏଚ-୩୩୨୭) ବ୍ରହ୍ମଣୀଗାଁ ପଟକୁ ଦ୍ରୁତ ଗତିରେ ଆସୁଥିଲା । ତେବେ ହାଇୱାଟି ଏକ କାରକୁ ଓଭରଟେକ କରିବା ବେଳେ ସେହି ରାସ୍ତା ଦେଇ ଯାଉଥିବା ୪ ବର୍ଷର ଶିଶୁ ପୁତ୍ର ସାଇଙ୍କ ଉପରେ ଚଢି ଯାଇଥିଲା । ସଙ୍ଗେ ସଙ୍ଗେ ତାଙ୍କ ପରିବାର ଲୋକେ ବାଇକ୍ ଯୋଗେ ଶିଶୁଟିକୁ ଚନ୍ଦ୍ରଗିରି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୋହନାରେ ହାଇୱାଟିକୁ ସ୍ଥାନୀୟ ଲୋକେ ଅଟକାଇ ଡ୍ରାଇଭର କୁନା ବିଶୋଇକୁ ପୁଲିସରେ ଜିମା ଦେଇଛନ୍ତି । ମୋହନା ପୁଲିସ ଘଟଣାର ତଦନ୍ତ ଜାରି ରଖିଛି ।