କଟକ: ଆରମ୍ଭ ହେଲା ବାରବାଟୀରେ ଅଫଲାଇନ ଟିକେଟ ବିକ୍ରି । ଘଣ୍ଟାଏ ବିଳମ୍ବରେ ଖୋଲିଲା କାଉଣ୍ଟର । ଅଫଲାଇନ ଟିକେଟ ବିକ୍ରି ପୂର୍ବରୁ କାଉଣ୍ଟରରେ ଅସମ୍ଭାଳ ଭିଡ ଦେଖାଦେଇଛି । ରାଜ୍ୟ ତଥା ବାହାରୁ କ୍ରିକେଟ ପ୍ରେମୀଙ୍କ ଗହଳି ଦେଖାଦେଇଛି । ସ୍ପେଶାଲ କାଉଣ୍ଟରରେ ଟିକେଟ କାଟିବେ ମହିଳା । ୬ଟି କାଉଣ୍ଟରରେ ୧୦ ହଜାର ଟିକ୍ଟ ବିକ୍ରି କରାଯିବ । ଏବେଠୁ ଆରମ୍ଭ ହୋଇ ୪ଟା ଯାଏଁ ଚାଲିବ । ଭିଡକୁ ଦୃଷ୍ଟିରେ ରଖି ସ୍ୱତନ୍ତ୍ର ଲୁହା ବାରିକେଡ କରାଯାଇଛି । ଜଣକ ପିଛା ଦୁଇଟି ଟିକେଟ ନେଇପାରିବେ । ଦର୍ଶକ ଧାଡିରେ ଆସି ନିଜର ପରିଚୟ ପତ୍ର ଦେଖାଇ ଦୁଇଟି ଟିକ୍ଟ କିଣିପାରିବେ । ଆସନ୍ତା ୯ ତାରିଖରେ ଭାରତ- ଦକ୍ଷିଣ ଆଫ୍ରିକା ମ୍ୟାଚ ହେବାକୁ ଯାଉଛି ।
