ସ୍କୁଲ, ବସଷ୍ଟାଣ୍ଡରୁ ହଟାଓ ବୁଲା କୁକୁର: ସୁପ୍ରିମକୋର୍ଟ

ନୂଆଦିଲ୍ଲୀ: ବୁଲା କୁକୁରଙ୍କୁ ନେଇ ସୁପ୍ରିମକୋର୍ଟ ବଡ ରାୟ ପ୍ରକାଶ କରିଛନ୍ତି । ଏହି ମାମଲାର ଶୁଣାଣି କରି ୩ ଜଣିଆ ଖଣ୍ଡପୀଠ ନିର୍ଦ୍ଦେଶ ଦେଇଛନ୍ତି । ସୁପ୍ରିମକୋର୍ଟ ଶୁକ୍ରବାର ବୁଲା କୁକୁର ସମସ୍ୟା ସମ୍ପର୍କରେ ତିନୋଟି ନିର୍ଦ୍ଦେଶ ଜାରି କରିଛନ୍ତି। କୋର୍ଟ ରାଜସ୍ଥାନ ହାଇକୋର୍ଟଙ୍କ ବୁଲା ପଶୁଙ୍କ ସମ୍ପର୍କରେ ନିର୍ଦ୍ଦେଶକୁ ସାରା ଦେଶରେ କାର୍ଯ୍ୟକାରୀ କରିବାକୁ ନିର୍ଦ୍ଦେଶ ଦେଇଛନ୍ତି। ବୁଲା ପଶୁମାନଙ୍କୁ ରାଜପଥ ଏବଂ ରାସ୍ତାରୁ ହଟାଇ ଆଶ୍ରୟସ୍ଥଳରେ ରଖାଯାଉ। ନଗର ନିଗମଗୁଡ଼ିକ ପାଟ୍ରୋଲିଂ ଦଳ ଗଠନ କରିବା ଏବଂ ୨୪ ଘଣ୍ଟା ନଜର ରଖିବା ଉଚିତ। କୋର୍ଟ ଏକ ହେଲ୍ପଲାଇନ୍ ନମ୍ବର ଜାରି କରିବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି। ସୁପ୍ରିମକୋର୍ଟ ତାଙ୍କର ତୃତୀୟ ଆଦେଶରେ ନିର୍ଦ୍ଦେଶ ଦେଇଛନ୍ତି ଶିକ୍ଷାନୁଷ୍ଠାନ, କ୍ରୀଡା କମ୍ପ୍ଲେକ୍ସ, ହସ୍ପିଟାଲ, ବସ୍ ଷ୍ଟାଣ୍ଡ ଏବଂ ରେଳ ଷ୍ଟେସନରେ ବୁଲା କୁକୁରମାନଙ୍କୁ ପ୍ରବେଶ କରିବାରୁ ନିବୃତ୍ତ କରାଯାଉ। ଟୀକାକରଣ ଏବଂ ବନ୍ଧ୍ୟାକରଣ ପରେ ସେମାନଙ୍କୁ ଆଶ୍ରୟସ୍ଥଳରେ ରଖାଯାଉ। କୋର୍ଟ ନିର୍ଦ୍ଦେଶ ଦେଇଛନ୍ତି ଯେ ତାଙ୍କ ଆଦେଶ ଆଠ ସପ୍ତାହ ମଧ୍ୟରେ କାର୍ଯ୍ୟକାରୀ କରାଯାଉ।