ମସ୍କୋ : ରୁଷିଆ ସେନାର ଡେପୁଟି କମାଣ୍ଡରଙ୍କୁ ହତ୍ୟା କରିଛି ୟୁକ୍ରେନ। ନିହତ ଡେପୁଟି କମାଣ୍ଡରଙ୍କୁ ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ନିକଟତର ବୋଲି ବିବେଚନା କରାଯାଉଥିଲା। ଏହି ହତ୍ୟାକାଣ୍ଡ ପରେ ରୁଷିଆ ସେନା ୟୁକ୍ରେନରେ ଅରାଜକତା ସୃଷ୍ଟି କରିବା ଆରମ୍ଭ କରିଛି। ଗୋଟିଏ ପଟେ ରୁଷିଆ ସେନା ୟୁକ୍ରେନର ରାଜଧାନୀରେ ବାଲାଷ୍ଟିକ ମିସାଇଲ ମାଡ଼ କରୁଛି। ଅନ୍ୟପଟେ ୟୁକ୍ରେନୀୟମାନଙ୍କୁ ହତ୍ୟା କରିବା ପାଇଁ ରାସାୟନିକ ଅସ୍ତ୍ର ବ୍ୟବହାର କରୁଛି ରୁଷିଆ। କୁହାଯାଉଛି, ପୁଟିନ ତାଙ୍କର ଘନିଷ୍ଠମାନଙ୍କୁ ହରାଇବା ପରେ ରାଗି କି ପଞ୍ଚମ ଉପରେ ଅଛନ୍ତି।
ଡଚ୍ ସାନ ଗୋଇନ୍ଦା ମୁଖ୍ୟ ପିଟର ରିସିଙ୍କ କହିଛନ୍ତି, ଯୁଦ୍ଧରେ ଅଗ୍ରଣୀ ହେବା ପାଇଁ ରୁଷିଆ ରାସାୟନିକ ଅସ୍ତ୍ରର ବ୍ୟବହାର ବୃଦ୍ଧି କରିଛି। ରିସିଙ୍କଙ୍କ ଅନୁସାରେ, ଏପର୍ଯ୍ୟନ୍ତ ହଜାର ହଜାର ଏପରି ଆକ୍ରମଣ ହୋଇଛି। ୟୁକ୍ରେନ୍ ପକ୍ଷରୁ ୯୦୦୦ ମାମଲା ପଞ୍ଜୀକୃତ ହୋଇଛି। ରାସାୟନିକ ଅସ୍ତ୍ର ଯୋଗୁ ପ୍ରାୟ ୨୫୦୦ ୟୁକ୍ରେନୀୟ ଆହତ ହୋଇଛନ୍ତି। ୩ ଜଣଙ୍କର ମୃତ୍ୟୁ ଘଟିଛି। ୟୁକ୍ରେନ ଏହାକୁ ସମଗ୍ର ବିଶ୍ୱ ପାଇଁ ବିପଦ ବୋଲି କହିଛି। ୟୁକ୍ରେନ କହିଛି, ଯୁଦ୍ଧକ୍ଷେତ୍ରରେ ରାସାୟନିକ ଅସ୍ତ୍ର ବ୍ୟବହାର ନିଷେଧ। ମେ’ ୨୦୨୪ରେ ଆମେରିକା ପ୍ରଥମ ଥର ପାଇଁ ରୁଷିଆ ଉପରେ କ୍ଲୋରୋପିକ୍ରିନ ବ୍ୟବହାର କରିବାର ଅଭିଯୋଗ କରିଥିଲା। କ୍ଲୋରୋପିକ୍ରିନ ହେଉଛି ଦଙ୍ଗା ନିୟନ୍ତ୍ରଣ ଏଜେଣ୍ଟ ଅପେକ୍ଷା ଅଧିକ ବିଷାକ୍ତ ରାସାୟନିକ ଯୌଗିକ। ସେତେବେଳେ ରୁଷିଆ ଏହାକୁ ସମ୍ପୂର୍ଣ୍ଣ ପ୍ରତ୍ୟାଖ୍ୟାନ କରିଥିଲା। ରୁଷିଆ ଖାତରେ ଲୁଚି ରହିଥିବା ଡ୍ରୋନ୍ ଏଜେଣ୍ଟମାନଙ୍କୁ ହତ୍ୟା କରିବା ପାଇଁ ଏହି ଅସ୍ତ୍ର ବ୍ୟବହାର କରୁଛି। ରିପୋର୍ଟ ଅନୁଯାୟୀ, ଏହି ରାସାୟନିକ ଅସ୍ତ୍ର ପ୍ରଥମେ ଗର୍ତ୍ତରେ ପଠାଯାଏ ଏବଂ ଏଜେଣ୍ଟ ବାହାରକୁ ଆସିବା ମାତ୍ରେ ତାଙ୍କୁ ଗୁଳି କରି ହତ୍ୟା କରାଯାଏ।
