ନୂଆଦିଲ୍ଲୀ: ଭୂମିକମ୍ପରେ ଥରିଲା ଚିଲ୍ଲି । ଆଜି ଦକ୍ଷିଣ ଚିଲ୍ଲିରେ ଅନୁଭୂତ ହୋଇଛି ଏକ ଶକ୍ତିଶାଳୀ ଭୂମିକମ୍ପ । ଏହାର ତୀବ୍ରତା ୬.୪ ମପାଯାଇଛି । ଭାରତୀୟ ମାନକ ସମୟ ଅନୁସାରେ ଭୂମିକମ୍ପ ସନ୍ଧ୍ୟା ୫ଟା ୮ ମିନିଟରେ ଅନୁଭୂତ ହୋଇଥିଲା । ୪୬.୭୧ ଡିଗ୍ରୀ ଦକ୍ଷିଣ ଏବଂ ୭୫.୫୫ ଡିଗ୍ରୀ ପଶ୍ଚିମ ମଧ୍ୟରେ ଏହାର କେନ୍ଦ୍ରସ୍ଥଳ ଥିଲା, ଯାହାକି ଚିଲ୍ଲିର ଦକ୍ଷିଣ ଭାଗରେ ଅବସ୍ଥିତ ।
EQ of M: 6.4, On: 08/11/2024 17:08:07 IST, Lat: 46.71 S, Long: 75.55 W, Depth: 61 Km, Location: Southern Chile.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/emKypD3aKg— National Center for Seismology (@NCS_Earthquake) November 8, 2024
ଏହି ଭୂମିକମ୍ପର ଗଭୀର ଥିଲା ୬୧ କିଲୋମିଟର । ଭୂବୈଜ୍ଞାନିକଙ୍କ ଅନୁସାରେ, ଏହି ଭୂମିକମ୍ପକୁ ମଧ୍ୟମରୁ ଶକ୍ତିଶାଳୀ ଭୂମିକମ୍ପ ରୂପେ ବିବେଚନା କରାଯାଉଛି । ଚିଲ୍ଲି ‘ପେସିଫିକ୍ ରିଙ୍ଗ ଅଫ୍ ଫାୟାର’ରେ ଅବସ୍ଥିତ, ଯାହା ଭୂମିକମ୍ପ ପାଇଁ ଜଣାଯାଇଥାଏ । ଏହି ଅଞ୍ଚଳ ନିୟମିତ ରୂପେ ଭୂଗର୍ଭୀୟ ଗତିବିଧିର ଶିକାର ହୋଇଥାଏ । ପ୍ରାରମ୍ଭିକ ରିପୋର୍ଟ ଅନୁସାରେ, ଭୂମିକମ୍ପରେ କୌଣସି ବଡ଼ କ୍ଷତି କିମ୍ବା ଜନହାନିର ଖବର ସାମ୍ନାକୁ ଆସିନାହିଁ । କିନ୍ତୁ ସ୍ଥାନୀୟ ଲୋକେ ଭୟଭୀତ ହୋଇପଡ଼ିଛନ୍ତି ଏବଂ ଅନେକ ସ୍ଥାନରେ ବିଲ୍ଡିଂଗୁଡ଼ିକରେ ହାଲୁକା ଫାଟ ମଧ୍ୟ ସୃଷ୍ଟି ହୋଇଛି । ଭୂମିକମ୍ପ ପରେ ଚିଲ୍ଲି ସରକାର ଏବଂ ଉଦ୍ଧାର କର୍ମୀମାନେ ସକ୍ରିୟ ହୋଇ ସ୍ଥିତିକୁ ଅନୁଧ୍ୟାନ କରୁଛନ୍ତି । ଲୋକଙ୍କୁ ସାବଧାନତା ଅବଲମ୍ବନ କରିବାକୁ ଅପିଲ କରୁଛନ୍ତି ।
