ବ୍ୟୁରୋ : କାମ ସାରି ଘରକୁ ଫେରିବା ବେଳେ ପୂର୍ବ ଶତ୍ରତାକୁ କେନ୍ଦ୍ର କରି ଜଣେ ବ୍ୟକ୍ତିଙ୍କୁ ସଂଘବଦ୍ଧ ଆକ୍ରମଣ କରି ଅବସ୍ଥା ଶୋଚନୀୟ କରିଛନ୍ତି ଦୁର୍ବୃତ୍ତ । କେନ୍ଦ୍ରାପଡା ଜିଲ୍ଲା ଆଳି ଥାନା ଅନ୍ତର୍ଗତ ଗଡଗଡି ସେତୁ ନିକଟରେ ଏଭଳି ଅବାବନୀୟ ଘଟଣା ଘଟିଛି । ଆହତ ବ୍ୟକ୍ତି ପର୍ଶୁରାମ ମହାନ୍ତିଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଗତକାଲି ସନ୍ଧ୍ୟାରେ ପର୍ଶୁରାମ କାମ ସାରି ଗାଁ ଅଭିମୁଖେ ଫେରୁଥିଲେ । ସେହିସମୟରେ ଗଡଗଡି ସେତୁ ନିକଟରେ ହଠାତ ୧୦ରୁ ୧୨ ଜଣ ଯୁବକ ତାଙ୍କ ଉପରେ ସଂଘବଦ୍ଧ ଆକ୍ରମଣ କରି ନିସ୍ତୁକ ମାଡ ମାରିଥିଲେ । ଆଣ୍ରମଣକାରୀମାନେ ଭୁଜାଲିରେ ପର୍ଶୁରାମକୁ ମାଡ ମାରିଥିଲେ । ରକ୍ତ ଭିଜା ଅବସ୍ଥାରେ ରାସ୍ତା ଉପରେ ପଡି ଛଟପଟ ହେଉଥିଲେ ପର୍ଶୁରାମ । ଏହାକୁ ଦେଖି ସ୍ଥାନୀୟ ଲୋକେ ତାଙ୍କ ପରିବାରକୁ ଜଣାଇଥିଲେ । ଘଟଣାସ୍ଥଳରେ ପରିବାର ଲୋକେ ପହଞ୍ଚି ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ପ୍ରଥମେ ଆଳି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ତାପରେ ସ୍ୱାସ୍ଥ୍ୟବସ୍ଥା
ଅଧିକ ସଙ୍କଟାପର୍ଣ୍ଣ ହେବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି । ପୁଲିସ ଏହି ଘଟଣାର ତଦନ୍ତ କରୁଛି ।
କେନ୍ଦ୍ରାପଡାରେ ସଂଘବଦ୍ଧ ଆକ୍ରମଣ: ବାଟ ଅଟକାଇ ଭୁଜାଲିରେ ହାଣିଲେ
