ସାଢେ ୩ଘଣ୍ଟା ପରେ ଗଡିଲା ମୋ ବସ ଚକା

ଭୁବନେଶ୍ୱର : ମୋ ବସ ଧକ୍କାରେ ଯୁବତୀ ଆହତ ମାମଲାରେ ରାଜଧାନୀରେ ଉତ୍ତେଜନା ଦେଖାଦେଇଛି । ୧୫ଟି  ମୋ ବସକୁ ଅଟକ ରଖିଲେ ଲୋକ । ସାଢେ ୩ ଘଣ୍ଟା ପରେ ନନ୍ଦନକାନନ  ଜୟଦେବ ବିହାର ରାସ୍ତାରେ ମୋ ବସ ଗଡିଲା । ସୂଚନା ଅନୁସାରେ ଚନ୍ଦ୍ରଶେଖରପୁର ଭାରତ ପେଟ୍ରୋଲ  ପମ୍ପ ସମ୍ମୁଖରେ ଯୁବତୀ ଜଣଙ୍କ ରାସ୍ତା ପାର ହେଉଥିବା ବେଳେ   ଧକ୍କା ଦେଇଥିଲା ମୋ ବସ । ଫଳରେ ଯୁବତୀ ଜଣଙ୍କ ଆହତ ହୋଇପଡିଥିଲେ ।  ସ୍ଥାନୀୟ ଲୋକେ ତାଙ୍କୁ  ଉଦ୍ଧାର  କରି ମେଡିକାଲକୁ ପଠାଇଥିଲେ । ସ୍ଥାନୀୟ  ଅଢ୍‌ଚଳରେ  ଉତ୍ତେଜନା ଦେଖାଦେଇଥିଲା । ଉତ୍ୟକ୍ତ ଲୋକମାନେ  ରାସ୍ତା ଅବରୋଧ କରି  ଏହି ରୁଟର ପ୍ରାୟ ୧୫ଟି ମୋ ବସକୁ ଅଟକ ରଖିଥିଲେ । ଉଭୟ ରୁଟରେ ଟ୍ରାଫିକ ସମସ୍ୟା ଉପୁଜିଥିଲା ।  ଦୁର୍ଘଟଣା ଘଟାଇଥିବା ବସ ଓ ଡା୍‌ରାଇଭରକୁ  ଅଟକ ରଖିଛି ଚନ୍ଦ୍ର ଶେଖର ପୁଲିସ ।  ବେପରୁଆ ଗାଡି ନ ଚଳାଇବାକୁ ରୁଟ ଅଧିକାରୀଙ୍କୁ ତାଗିଦ କରିଛି ପୋଲିସ ।