ଭଦ୍ରକ : ଭଦ୍ରକ ଜିଲ୍ଲା ଧାମନଗର ଥାନା ଅଧିନ ଚୁଡାକୁଟି ନାରାୟଣପୁର ଗାଁରେ ଘଟିଛି ଅଭାବନୀୟ ଘଟଣା। ନାରାୟଣପୁର କେନାଲ ପାଖରେ ଥିବା ଏକ ଗଛ ଡାଳରୁ ଜଣେ ଶିକ୍ଷକଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ଶିକ୍ଷକ ଜଣଙ୍କ ବ୍ରାହ୍ମଣିପାଳ ବିବି ହାଇସ୍କୁଲ ପ୍ରଧାନ ଶିକ୍ଷକ ସୁରେନ୍ଦ୍ର ପଣ୍ଡା ବୋଲି ଜଣାପଡିଛି । ସୂଚନା ଅନୁସାରେ ଗତ କିଛି ବର୍ଷ ହେବ ସୁରେନ୍ଦ୍ରଙ୍କର କୋର୍ଟରେ ମାମଲା ଚାଲିଥିଲା । ଆଉ ଗତ କାଲି ରାତିରେ ସୁରେନ୍ଦ୍ର ଘରକୁ ଫେରିନଥିଲେ । ଯେଉଁଥିପାଇଁ ତାଙ୍କୁ କେହି ହତ୍ୟା କରିଥିବା ନେଇ ସନ୍ଦେହ କରାଯାଉଛି । ଏହାସହ ଆଉ ୨ ମାସ ପରେ ମୃତ ପ୍ରଧାନ ଶିକ୍ଷକ ଅବସର ଗ୍ରହଣ କରିବେ ବୋଲି ଜଣାପଡିଛି । ତେବେ ଏନେଇ ସୂଚନା ପାଇବା ପରେ ଧାମନଗର ପୋଲିସ ଘଟଣା ସ୍ଥଳରେ ପହଂଚି ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଥିବା ଜଣାପଡିଛି ।
