ମହାରାଷ୍ଟ୍ର : ମଦ ପିଇ ପୁଅକୁ ହତ୍ୟା କଲା ନୃସଂଶ ବାପା । ମହାରାଷ୍ଟ୍ର ଥାଣେରେ ଘଟିଛି ଅଭାବନୀୟ ଘଟଣା। ୯ ବର୍ଷର ବାଳକ ପାଟିରେ ବଲ୍ ଭର୍ତ୍ତି କରି ହତ୍ୟା କରିଛି ନୃସଂଶ ବାପା । ଏଭଳି ଅଭାବନୀୟ ଘଟଣା ମହାରାଷ୍ଟ୍ରର ଥାନେ ଜିଲ୍ଲାରେ ଘଟିଛି । ସୋମବାର ବିଳମ୍ବିତ ରାତ୍ରିରେ ଏହି ଅପରାଧ ପଛର ପ୍ରକୃତ କାରଣ ଏପର୍ଯ୍ୟନ୍ତ ଜଣା ପଡିନାହିଁ। ତେବେ ସୂଚନା ଯୋଗ୍ୟ ଯେ, ପାରିବାରିକ କଳହ ଯୋଗୁ ଅଭିଯୁକ୍ତ ବ୍ୟକ୍ତି ଓ ତାଙ୍କର ପତ୍ନୀ ଅଲଗା ରହୁଥିଲେ । ଏବଂ ତାଙ୍କର ଗୋଟେ ପୁଅ ଥିଲା ଯେ କି ତାଙ୍କ ମା ପାଖରେ ରହୁଥିଲା ବୋଲି ପୋଲିସ ଅଧିକାରୀ ସୂଚନା ଦେଇଛନ୍ତି । ତେବେ ସୋମବାର ପିଲାଟି ତାଙ୍କ ମା’ଙ୍କ ଘରୁ ନିଖୋଜ ହୋଇଯାଇଥିଲା ଏବଂ ପରିବାର ସଦସ୍ୟ ତାଙ୍କୁ ଖୋଜିବା ଆରମ୍ଭ କରିଥିଲେ। ଅଧିକାରୀ କହିଛନ୍ତି ଯେ ମଙ୍ଗଳବାର ସକାଳ ପ୍ରାୟ ୮ ଟା ସମୟରେ ନାବଳକରର ମୃତ ଦେହ ତାଙ୍କ ପିତାଙ୍କ ଘର ନିକଟରୁ ଉଦ୍ଧାର ହୋଇଥିଲା। ପୋଲିସ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ପୁଅର ପାଟିରେ ଏକ କାଗଜ ବଲ ଭର୍ତ୍ତି ହୋଇଥିବାର ଏବଂ ନାକରୁ ରକ୍ତ ବାହାରୁଥିବା ଦେଖିବାକୁ ପାଇଥିଲା। ତାଙ୍କ ପତ୍ନୀ ଅଲଗା ରହିବା ଆରମ୍ଭ କରିବା ପରେ ଉକ୍ତ ବ୍ୟକ୍ତି ଅତ୍ୟଧିକ ମଦ୍ୟପାନ କରିଥିଲେ ବୋଲି ସୂଚନା ମିଳିଛି। ସେ କହିଛନ୍ତି ଯେ ସୋମବାର ମଧ୍ୟରାତ୍ରିରେ ସେ ମଦ ପିଇଥିଲେ ଏବଂ ଚିରିଯାଇଥିବା ନୋଟବୁକ୍ କାଗଜରେ ତିଆରି ଏକ ବଲକୁ ପୁଅର ପାଟିରେ ଭର୍ତ୍ତି କରି ତାକୁ ହତ୍ୟା କରିଥଲେ। ନାବଳକର ଜଣେ ସମ୍ପର୍କୀୟଙ୍କ ଅଭିଯୋଗ ପରେ ମଙ୍ଗଳବାର ରାତିରେ ଅଭିଯୁକ୍ତକୁ ଗିରଫ କରାଯାଇ ଭାରତୀୟ ଦଣ୍ଡବିଧି ଧାରା ୩୦୨ (ହତ୍ୟା) ଅନୁଯାୟୀ ତାଙ୍କୁ ଦଣ୍ଡ ଦିଆଯିବ ବୋଲି ବୋଲି ଅଧିକାରୀ କହିଛନ୍ତି।