ମର୍ମନ୍ତୁଦ ସଡକ ଦୁର୍ଘଟଣ : ୪ ମୃତ

ଗୁଜୁରାଟ : ଗୁଜୁରାଟରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣ । କାରକୁ ଧକ୍କା ଦେଲା ଟ୍ରକ୍‌ । ବାର୍ଥଡେ ପାର୍ଟିରୁ ଫେରୁଥିବା ସମୟରେ ଘଟିଲା ଅଘଟଣ । ଯାହାଫଳରେ ଗୋଟିଏ ପରିବାରର ୪ ଜଣଙ୍କ ଜୀବନ ଚାଲିଯାଇଥିଲା । ସୂଚନା ଅନୁଯାୟୀ, ଗୁଜରାଟର ସାବରକାଣ୍ଠା ଅଞ୍ଚଳରେ ଏକ କାର୍‌ରେ ଏକ ପରିବାରର ୬ ଜଣ ଏକ ବାର୍ଥଡେ ପାର୍ଟିରେ ସାମିଲ ହେବାକୁ ଗତ ରାତିରେ ହିମ୍ମତନଗର ଯାଇଥିଲେ। ଶୁକ୍ରବାର ଭୋର ସମୟରେ ସେମାନେ ଘରକୁ ଫେରୁଥିଲେ । ଜାତୀୟ ରାଜପଥରେ ଯାଉଥିବା ବେଳେ ହଠାତ୍‌ ଦ୍ରୁତ ଗତିରେ ଯାଉଥିବା ଏକ ଟ୍ରକ୍‌ ସହ ଗାଡିଟି ଧକ୍କା ହୋଇଥିଲା ।ଏଭଳି ଦୁର୍ଘଟଣା ଦେଖି ସ୍ଥାନୀୟ ଲୋକେ ତୁରନ୍ତ ପହଞ୍ଚି କାର୍‌ରୁ ସମସ୍ତଙ୍କୁ ବାହାର କରିଥିଲେ। ଏହାପରେ ପୁଲିସ୍‌ ପହଞ୍ଚି ସମସ୍ତଙ୍କୁ ନିକଟସ୍ଥ ମେଡିକାଲ ପଠାଇଥିଲା। ସେଠାରେ ଡାକ୍ତର ୪ ଜଣଙ୍କୁ ମୃତ ଘୋଷଣା କରିଥିଲେ। ମୃତକଙ୍କ ମଧ୍ୟରେ ଏକ ୭ ମାସର ଛୁଆ ଥିବା ଜଣାଯାଇଛି। ଆଉ ଦୁଇ ଜଣଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାଯାଇଛି।