କଣାସ : ଦୁର୍ବୃତ୍ତ ପୋଡି ଦେଲେ ଧାନ ଗଦା । ୬୦ ହଜାରରୁ ଅଧିକ ଟଙ୍କାର ସମ୍ପତ୍ତି ପୋଡି ପାଉଁଶ । ଡେଲାଙ୍ଗ ବରକେରାରେ ଅଗ୍ନିକାଣ୍ଡ ଘଟି ଭାସ୍କର ଚନ୍ଦ୍ର ପରିଡାଙ୍କର ଏକ କଳେଇ ଗଦା ଜଳିଯାଇଛି । ଧାନ ଗଦାରେ ଥିବା ଧାନର ଆନୁମାନିକ ମୂଲ୍ୟ ପଚାଶ ହଜାର ହେବ ବୋଲି ଜଣାପଡିଛି ।
ଏଥିସହିତ ବେଲପଡାର ବିଜୟ କୁମାର ପରିଡାଙ୍କର ଦୁଇଟି କଳେଇଗଦା ଜଳିପୋଡି ନଷ୍ଟ ହୋଇଥିବା ବେଳେ କଳେଇଗଦାରେ ଥିବା ଧାନର ଆନୁମାନିକ ମୂଲ୍ୟ ଷାଠିଏ ହଜାର ଟଙ୍କା ହେବ ବୋଲି ଚାଷୀ କହିଛନ୍ତି । ଭାସ୍କର ଚନ୍ଦ୍ର ପରିଡା ଓ ବିଜୟ କୁମାର ପରିଡ଼ା ଚାଷ ଉପରେ ନିର୍ଭର କରି ଚଳନ୍ତି । ତେଣୁ ସରକାରଙ୍କ ତରଫରୁ ସାହାଯ୍ୟ ଯୋଗାଇବା ପାଇଁ ଡେଲାଙ୍ଗ ବରକେରା ଗ୍ରାମବାସୀଙ୍କ ତରଫରୁ ଦାବି କରାଯାଇଛି।
