ବାରିପଦା ସହରରେ ଦନ୍ତା ଉତ୍ପାତ

ବାରିପଦା : ବାରିପଦା ସହରରେ ଉତ୍ପାତ କରୁଥିବା ହାତୀଟି ଏବେ ଜଙ୍ଗଲମୁହାଁ। ଗତକାଲିଠାରୁ ଏମକେସି ହାଇସ୍କୁଲ ପରିସରରେ ଥିବା ଦନ୍ତାହାତୀ ସହର ଭିତରେ ଆତଙ୍କ ଖେଳାଳଇଥିଲା । ହାତୀଟି ଲୋକଙ୍କୁ ଗୋଡାଇ ଗୋଡାଇ ଆକ୍ରମଣ କରିଥିଲା। ଏଥିଯୋଗୁଁ ବଜାର ଭିତରେ ଥିବା ଲୋକମାନେ ଭୟଭୀତ ହୋଇପଡିଥିଲେ । ଲୋକମାନେ ଜୀବନ ବିକଳରେ ଧାଁ ଦଉଡ କରିଥିଲେ । ଗତକାଲି ହାତୀଟି ଏମକେସି ହାଇସ୍କୁଲ ହାଇସ୍କୁଲ ପରିସରରେ ପଶି ବ୍ୟାପକ ଭଙ୍ଗାରୁଜା କରିଥିଲା । କିଛି ଦିନ ତଳେ ଶିମିଳିପାଳ ଅଭୟାରଣ୍ୟରୁ ହାତୀପଳ ଖାଦ୍ୟ ଅନ୍ୱେଷଣରେ ଜଙ୍ଗଲ ବାହାରକୁ ଚାଲି ଆସିଥିଲେ । ସେଥିରୁ ଗୋଟିଏ ଦନ୍ତାହାତୀ ଅଲଗା ହୋଇ ସହର ଭିତରକୁ ପଶି ଆସିଥିଲା ।