ଭୁବନେଶ୍ୱର: ଭୁବନେଶ୍ୱର ଉପକଣ୍ଠ ବାଲିଅନ୍ତାର ବିଶ୍ୱଜିତ ନାୟକ ମୃତ୍ୟୁ ଘଟଣା । ଅଭିଯୁକ୍ତ ମହିଳା କେୟାରଟେକର ସୁଙ୍କି ରଣାକୁ ଗିରଫ କଲା ପୋଲିସ । ଘଟଣାସମ୍ପର୍କରେ ଭୁବନେଶ୍ୱର ଡିସିପି ପ୍ରତୀକ ସିଂହଙ୍କ ସୂଚନା ରହିଛି । ହଠାତ୍ ରାଗିଯାଇ ସୁଙ୍କି ବିଶ୍ୱଜିତଙ୍କ ପିଟି ମାରିଥିବା କହିଲେ ଡିସିପି । ସୁଙ୍କିର ଘର ଝାରସୁଗୁଡା, ପୂର୍ବରୁ ଏକ ହତ୍ୟା ମାମଲାରେ ସଜା କାଟିଛି । ୨୦୦୫ରେ ନିଜ ଯା କୁ ହତ୍ୟା କରି ୧୨ ବର୍ଷ ଜେଲ୍ ଯାଇଥିଲା ସୁଙ୍କି । ସ୍ୱାମୀ ସହ ପରକୀୟା ସମ୍ପର୍କ ନେଇ ଯା କୁ ମାରି ଦେଇଥିଲା ସୁଙ୍କି । ୧୨ ବର୍ଷ ସଜା କାଟିବା ପରେ ଏକ ଆଶ୍ରମରେ ରହୁଥିଲା ସୁଙ୍କି ।
ଆଶ୍ରମକୁ ବିଶ୍ୱଜିତର ମା ଯାଆନ୍ତି, ସେଠାରେ ସୁଙ୍କିର ବିଶ୍ୱଜିତ୍ ସହ ସାକ୍ଷାତ ହୋଇଥିଲା । ପରେ ବିଶ୍ୱଜିତରକ୍କୟାର ଟେକର ଭାବରେ କାମ କରୁଥିଲା ସୁଙ୍କି । ଘଟଣା ଦିନ ଆଶ୍ରମକୁ ଯିବାକୁ ଜିଦ୍ କରି ବିଶ୍ୱଜିତ ସହ ପାଟିତୁଣ୍ଡ କରିଥିଲା । ବଚସା ଉଗ୍ର ହେବାରୁ ସୁଙ୍କି କାଠ ଫାଳିଆରେ ପିଟିପିଟି ମାରିଦେଇଥିଲା । ଖରାବେଳେ ମାରିଥିଲା,ସଂଜ ହେବା ଖସି ପୁରୀ ପଳାଇଥିଲେ ସୁଙ୍କି । ସୁଙ୍କିକୁ ପୁରୀରେ ଧରାଯାଇଛି, ହତ୍ୟାରେ ବ୍ୟବହୃତ ଅସ୍ତ୍ର ମଧ୍ୟ ଜବତ ହୋଇଥିବା ସୂଚନା ରହିଛି । ଅଧିକ ପଚରାଉଚରା ପାଇଁ ତାକୁ ରିମାଣ୍ଡରେ ଅଣାଯିବ ବୋଲି କହିଛନ୍ତି ଡିସିପି ପ୍ରତୀକ ସିଂ ।
