କଂଗ୍ର୍ରେସ ଛାଡିବା ନିଷ୍ପତି ମୋ ପାଇଁ ସହଜ ନଥିଲା: ମିଲିନ୍ଦ ଦେଓରା

ଜାତୀୟ ଗଣମାଧ୍ୟମରେ ଏକ ସାକ୍ଷାତକାର ଅବସରରେ ମିଲିନ୍ଦଙ୍କୁ ପଚରାଯାଇଥିଲା ଯେ କଂଗ୍ରେସ ଛାଡିବା ବେଳେ ତାଙ୍କୁ ଅଟକାଇବା ପାଇଁ ଦଳ ପକ୍ଷରୁ ଫୋନ୍‍ କଲ ଆସିଥିଲା କି । ଏହାର ଉତ୍ତରରେ ମିଲିନ୍ଦ କହିଛନ୍ତି ଯେ ତାଙ୍କୁ ଅଟକାଇବା ପାଇଁ ଦଳ ପକ୍ଷରୁ କୌଣସି ପ୍ରୟାସ କରାଯାଇନାହିଁ । ଦଳର ଜଣେ ବରିଷ୍ଠ ନେତାଙ୍କ ଠାରୁ କଲ ଆସିଥିଲା । ଦଳରେ ରହିବାକୁ ସେ ମୋତେ ନିବେଦନ କରିନଥିଲେ । ବରଂ କହିଥିଲେ ଯେ ରାହୁଲ ଗାନ୍ଧୀଙ୍କ ଭାରତ ଯୋଡ ନ୍ୟାୟ ଯାତ୍ରା ସମୟରେ ସେ ଦଳ ଛାଡିବା ନେଇ ଘୋଷଣା କରିବା ଠିକ୍‍ ନୁହେଁ । ଏହା ଶୁଣିବା ପରେ ମୋତେ ବହୁତ କଷ୍ଟ ହୋଇଥିଲା । ପରେ କଂଗ୍ର୍ରେସ ଛାଡିବା ପାଇଁ ନିଷ୍ପତି ନେଇଥିଲି । ଏହି ନିଷ୍ପତି ମୋ ପାଇଁ ସହଜ ନଥିଲା ବୋଲି ମିଲିନ୍ଦ କହିଛନ୍ତି ।