ସିଡ୍ନୀ: ଷ୍ଟିଫାନୋସ୍ ସି୍ସିପାସ୍ଙ୍କ ବିପକ୍ଷରେ ଆଲକ୍ଜାଣ୍ଡର୍ ଜ୍ୱେରେଭ୍ଙ୍କ ଆତ୍ମବିଶ୍ୱାସପୂର୍ଣ୍ଣ ବିଜୟ ଫଳରେ ଶୁକ୍ରବାର ଗ୍ରୀସ୍କୁ ହରାଇ ଜର୍ମାନୀ ୟୁନାଇଟେଡ୍ କପ୍ ସେମିଫାଇନାଲ୍ରେ ପ୍ରବେଶ କରିଛି । ବିଶ୍ୱ ମାନ୍ୟତାର ସପ୍ତମ ସ୍ଥାନରେ ଥିବା ଜ୍ୱେରେଭ୍ ନିଜଠାରୁ ଗୋଟିଏ ସ୍ଥାନ ଉପରେ ଥିବା ସିତ୍ସିପାସ୍ଙ୍କୁ ୬-୪, ୬-୪ ସିଧା ସେଟ୍ରେ ହରାଇ ଅନ୍ତିମ ୪ରେ ଜର୍ମାନୀର ସ୍ଥାନ ପକ୍କା କରିଛନ୍ତି । ଜର୍ମାନୀ ସେମିଫାଇନାଲ୍ରେ ଅଷ୍ଟ୍ରେଲିଆକୁ ଭେଟିବ ।
ଟପ୍ ସିଡ୍ ଇଗା ସ୍ୱିଆତେକଙ୍କ ନେତୃତ୍ୱରେ ପୋଲାଣ୍ଡ୍ ଅନ୍ୟ ସେମିଫାଇନାଲ୍ରେ ଫ୍ରାନ୍ସକୁ ଭେଟିବ । ଏହା ପୂର୍ବରୁ ବିଶ୍ୱ ମାନ୍ୟତାର ଅଷ୍ଟମ ସ୍ଥାନରେ ଥିବା ମାରିଆ ସାକ୍କାରୀ ୬-୦, ୬-୩ ସେଟ୍ରେ ଆଞ୍ଜେଲିକ୍ କେର୍ବରଙ୍କୁ ହରାଇ ଗ୍ରୀସ୍କୁ ୧-୦ରେ ଆଗୁଆ କରିଥିଲେ । ତେବେ ମିକ୍ସଡ୍ ଡବଲ୍ସରେ ଜ୍ୱେରେଭ୍ ଓ ଲୌରା ସିଗେମଣ୍ଡ୍ଙ୍କ ଯୋଡ଼ି ସାକ୍କାରୀ ଓ ସିତ୍ସିପାସ୍ଙ୍କ ସାନଭାଇ ପ୍ରେଟ୍ରେସ୍ଙ୍କୁ ୬-୩,୬-୩ରେ ହରାଇ ଟାଇକୁ ନିର୍ଣ୍ଣାୟକ ମ୍ୟାଚ୍କୁ ନେଇଥିଲେ । ଚଳିତ ସପ୍ତାହରେ ଜ୍ୱେରେଭ୍ ଛଅଟି ମ୍ୟାଚ୍ ଖେଳି ପାଞ୍ଚଟିରେ ବିଜୟୀ ହୋଇଛନ୍ତି । ତେବେ କେର୍ବର୍ଙ୍କ ସହ ଯୋଡ଼ି ହୋଇ ଗ୍ରୁପ୍ ମ୍ୟାଚ୍ରେ ଫ୍ରାନ୍ସଠାରୁ ଅଳ୍ପକେ ୨-୧ରେ ହାରିଯାଇଥିଲେ ।
