ନୂଆଦିଲ୍ଲୀ: ଦିଲ୍ଲୀର ୩ଟି ରାଜ୍ୟସଭା ଆସନ ଏବଂ ସିକ୍କିମ୍ରୁ ଗୋଟିଏ ଆସନ ନିମନ୍ତେ ନିର୍ବାଚନ ପାଇଁ ବିଜ୍ଞପ୍ତି ଜାରି କରାଯାଇଛି । ବିଜ୍ଞପ୍ତି ଅନୁଯାୟୀ ଜାନୁଆରୀ ୯ ତାରିଖ ପର୍ଯ୍ୟନ୍ତ ନାମାଙ୍କନ ପତ୍ର ଦାଖଲ କରାଯାଇପାରିବ ଏବଂ ଜାନୁଆରୀ ୧୯ରେ ମତଦାନ ଗ୍ରହଣ କରାଯିବ ।
ଚଳିତ ମାସରେ ଆମ୍ ଆଦ୍ମୀ ପାର୍ଟିର ରାଜ୍ୟସଭା ସାଂସଦ ସଞ୍ଜୟ ସିଂହ, ସୁଶୀଲ କୁମାର ଗୁପ୍ତା ଏବଂ ନାରାୟଣ ଦାସ ଗୁପ୍ତାଙ୍କ କାର୍ଯ୍ୟକାଳ ଶେଷ ହେଉଥିବା ବେଳେ ସିକ୍କିମ୍ ଡେମୋକ୍ରାଟିକ୍ ଫ୍ରଣ୍ଟର ହିସି ଲାଚୁଙ୍ଗପାଙ୍କ କାର୍ଯ୍ୟକାଳ ଫେବ୍ରୁଆରୀରେ ଶେଷ ହେଉଛି ।