ମିଳିଲା ୪ ନିଖୋଜଙ୍କ ମୃତଦେହ

କୋରାପୁଟ : ଡଙ୍ଗାବୁଡି ନିଖୋଜ ଥିବା ୪ ଜଣଙ୍କ ମୃତଦେହ ଉଦ୍ଧାର । ପାଡୁଆ ଥାନା ପାତାଳି ନଦୀ ତନସିଂ ଘାଟରୁ ୪ ମୃତଦେହ ଉଦ୍ଧାର । ନନ୍ଦପୁର ଅଗ୍ନିଶମ ବାହିନୀ ଓ ଓଡ୍ରାଫ ସାହାଯ୍ୟରେ ମୃତଦେହ ଉଦ୍ଧାର । କାଲି ଡଙ୍ଗା ବୁଡି ଜଣେ ମୃତ ଓ ୪ ଜଣ ନିଖୋଜ ଥିଲେ । ସୂଚନା ଅନୁଯାଇ, ପାତାଳୀ ନଦୀରେ ଡଙ୍ଗା ବୁଡ଼ିବାରୁ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ୪ ଜଣ ନିଖୋଜ ଥିଲେ । କୋରାପୁଟ ଜିଲ୍ଲା ନନ୍ଦପୁର ବ୍ଲକ କୁଲାରସିଂ ପଞ୍ଚାୟତର ତାନସିଂ ଗ୍ରାମର ସ୍ୱର୍ଗତ କାର୍ତ୍ତିକ ସିସାଙ୍କ ସ୍ତ୍ରୀ ଲାଲମଣି ସିସା(୫୦), ସ୍ୱର୍ଗତ ଜଗନ୍ନାଥ ଆର୍ଲାବଙ୍କ ସ୍ତ୍ରୀ ଶଶୀରେଖା ଆର୍ଲାବ (୩୫), ମିଶ୍ର ଆର୍ଲାବଙ୍କ ଝିଅ ନବୀନା ଆର୍ଲାବ୍‌(୧୪), ପୁଷ୍ପାଞ୍ଜଳି ଆରଲାବ(୫) ଓ ଦେବ ସିସିାଙ୍କ ଝିଅ କ୍ରାନ୍ତି ସିସା(୧୩) ଗତକାଲି ଏକ ବାହାଘରରେ ଯୋଗଦେଇ ଘରକୁ ଫେରୁଥିବା ବେଳେ ଏହି ଅଘଟଣ ଘଟିଥିଲା । ଦେଶୀ ଡଙ୍ଗା ଚଲାଇ ସମସ୍ତେ ପାତାଳୀ ନଦୀ ପାର ହୋଇ ଗାଁକୁ ଫେରୁଥିଲେ । ହେଲେ ନଦୀ ମଝିରେ ଡଙ୍ଗାଟି ଦୁର୍ଘଟଣାରେ ସମ୍ମୁଖୀନ ହୋଇଥିଲା । ଆଉ ସମସ୍ତେ ବୁଡ଼ି ଯାଇଥିଲେ ।