ଭୁବନେଶ୍ୱର: ଚୋରି ଅଭିଯୋଗରେ ୫ ଜଣଙ୍କୁ ବାନ୍ଧଲା ମଞ୍ଚେଶ୍ୱରଥାନା ପୁଲିସ । ଅଭିଯୋଗକାରୀ ଆକାଶ ମୌରୟଙ୍କ ଅଭିଯୋଗ ଭିତ୍ତିରେ ତଦନ୍ତ କରିବା ରାଜେଶ ଭୋଇ (୨୪), ଅଜୟ ଦାଶ(୨୧), ଗୋବିନ୍ଦ ଦାଶ(୨୬), ସୋମନାଥ ବେହେରା(୨୦) , ରଞ୍ଜିତ କୁମାର ଗୁପ୍ତା (୨୫)କୁ ଗିରଫ କରିଛି ।ସୂଚନାଯୋଗ୍ୟ ଯେ, ଅଭିଯୋଗକାରୀ ମଞ୍ଚେଶ୍ୱର ରେଲୱେ ଷ୍ଟେସନ୍ ନିକଟରେ ଥିବା ଆସମେଞ୍ଜ ଏନ୍ଟରଟେନମେଣ୍ଟ ପ୍ରାଇଭେଟ ଲିମିଟେଡରେ କେୟାର ଟେକର ଭାବରେ କାର୍ଯ୍ୟ କରନ୍ତି ।
ଗତ କାଲି ରାତିରେ ଉପରକ୍ତ ଯୁବକମାନେ ଚୋରି କରିବା ପାଇଁ ଉକ୍ତ ଗୋଦାମର ତାଲା ଭାଙ୍ଗି ପଶିଥିଲେ ଏବଂ ସେଠାରୁ ୫ଟି କର୍ନର ପ୍ଲେଟ, ୩ଟି ଛୋଟ ବେସ ପ୍ଲେଟ, ୪ଟି ବଡ ପିଲାର ପ୍ଲେଟ, ଗୋଟିଏ ବଡ ବେସ ପ୍ଲେଟ, ୧୨ଟି ଲୁହ ରଡ, ଓ ୮ଟି କ୍ରସ ବାଇଡିଙ୍ଗ ପ୍ଲେଟ ଚୋରି କରି ନେଇଯାଇଥିଲେ । ଅଭିଯୋଗକାରୀ ଏନେଇ ମଞ୍ଚେଶ୍ୱର ଥାନାରେ ଲିଖିତ ଅଭିଯୋଗ କରିବା ପରେ ପୁଲିସ ତଦନ୍ତ କରିବା ସହ ବିଶେଷ ସୂତ୍ରରୁ ଖବର ପାଇ ହାଡବାଇ ବସ୍ତିରୁ ଅଭିଯୁକ୍ତମାନଙ୍କୁ କାବୁ କରିଥିଲେ ।
ତଲାସି ବେଳେ ଅଭିଯୁକ୍ତ ମାନଙ୍କ ହେପାଜତରୁ ୩ଟି ଛୋଟ ବେସ ପ୍ଲେଟ ଓ ୪ଟି ବଡ ପିଲାର ଇନସର୍ଟ ଏବଂ ଗୋଟିଏ ସ୍କୁଟି ଜବତ କରାଯାଇଥିଲା । ପଚରାଉଛରା ବେଳେ ସେମାନେ ସେମାନକର ଅପରାଧ ସ୍ୱୀକାର କରିବା ସହ କିଛି ଚୋରି ସାମଗ୍ରୀ କୁ ଜଣେ ରଞ୍ଜିତ ନାମକ କବାଡିବାଲାକୁ ବିକ୍ରୟ କରିଥିବା ଦର୍ଶାଇଥିଲେ । ସୂଚନା ଆଧାରେ ପୁଲିସ ରଞ୍ଜିତ କୁ ଗିରଫ କରିବା ସହ ତାଙ୍କର ହେପାଜତରୁ ୫ଟି କର୍ନର ପ୍ଲେଟ ଜବତ କରି । ଆଜି ସମସ୍ତଙ୍କୁ କୋର୍ଟ ଚାଲାଣ କରିଛି ।
