ଯେ ପର୍ଯ୍ୟନ୍ତ ଶିକ୍ଷାର ମାନେ ଚାକିରୀକୁ
ବୁଝାଉଥିବ
ସେ ପର୍ଯ୍ୟନ୍ତ ” ସମାଜ ” ରେ ଭିକାରୀ ଅଧିକ ବଢ଼ୁଥିବେ
ମାଲିକ ନୁହେଁ……….
ବିଧିର ବିଧାନରେ ଅଜବ ନିୟମ, ଯେଉଁଠି ଭୋକ ଅଛି ସେଇଠି ରୁଟିର ଅଭାବ ଆଉ ଯେଉଁଠି ରୁଟି ଅଛି ସେଇଠି ଭୋକର ଅଭାବ ।
ଦୁନିଆରେ ଆପଣଙ୍କ ନାମ ସହିତ ଅନେକ ନାମ ମିଶିଯାଇପାରେ , କିନ୍ତୁ ଆପଣଙ୍କ ବ୍ୟବହାର ଓ ଚରିତ୍ର କାହା ସହିତ ମିଶେ ନାହିଁ , ସେଥିପାଇଁ ନିଜ କର୍ମ ଉପରେ ବିଶ୍ବାସ ରଖ ଆଉ କିଛି ଏମିତି କରି ଦେଖାଅ ଯେମିତି ଆପଣଙ୍କୁ ଦେଖିବାକୁ ଲୋକ ଝୁରିହେବେ ।
Smart ହେବା ଭଲ କିନ୍ତୁ ବେଶୀ Smart ହେବା ନିଜ ପାଇଁ ବହୁତ ଖରାପ ହୋଇଥାଏ ।
ଯୋଗିନୀ ଦକ୍ଷିଣେ । ସନ୍ଧ୍ୟା ଘ୪।୫୯ ଗତେ ପଶ୍ଚିମେ । ଯାତ୍ରାଦି ଶୁଭ କର୍ମ ନାସ୍ତି । ଗତ ଦିବସ ନକ୍ଷତ୍ର ଓ ରାଶିମାନଙ୍କର ତାରାଚନ୍ଦ୍ର ଶୁଦ୍ଧି । ରାତ୍ରି ଘ୭।୨୭ ଗତେ ମଘା ପୂର୍ବାଫାଃ ହସ୍ତା ସ୍ବାତୀ ଅନୁରାଧା ମୂଳା ପୂର୍ବାଷାଢ଼ା ଶ୍ରବଣା ଶତଭିଷା ଉତ୍ତରଭାଦ୍ର ଅଶ୍ୱିନୀ ଦ୍ବିଜା ରୋହିଣୀ ଆର୍ଦ୍ରା ପୁଷ୍ୟା ଏ ନକ୍ଷତ୍ରମାନଙ୍କର ତାରାଶୁଦ୍ଧି । ବୃଷ ସିଂହ କନ୍ୟା ରାଶିମାନଙ୍କର ଘାତବାର । ଦିବା ଘ୭।୩୨ ମଧ୍ୟେ ଘ୩।୪୦ ଗତେ ଘ୫।୨ ମଧ୍ୟେ କାଳବେଳା । ଘ୧୨।୫୬ ଗତେ ଘ୨।୧୮ ମଧ୍ୟେ ବାରବେଳା । ରାତ୍ରି ଘ୬।୪୦ ମଧ୍ୟେ ଘ୪।୩୨ ଗତେ ଘ୬।୯ ମଧ୍ୟେ କାଳରାତ୍ରି । ମୃତେ ପାଦ ଦୋଷ । ଫଳଂ କୃଷି ହାନି ଓ ଭୂମି ଦାନ । ପ୍ରଥମ ରଜୋଦର୍ଶନେ ରାତ୍ରି ଘ୭।୨୭ ଗତେ. ସମ୍ବତ୍ସର ଗଣ୍ଡଦୋଷ । ଫଳଂ ସ୍ତ୍ରୀ ବନ୍ଧ୍ୟା ରକ୍ତ ବସ୍ତ୍ର ଦାନ । ପଞ୍ଚମୀର ଏକୋଦ୍ଦିଷ୍ଟ ଓ ପାର୍ବଣ ଶ୍ରାଦ୍ଧ । ଶ୍ରୀଫଳ(ବେଲ) ସନ୍ଧ୍ୟା ଗତେ ନିମ୍ବ ଭକ୍ଷଣ ନିଷେଧ । ଅଦ୍ୟ ଶ୍ରୀକ୍ଷେତ୍ର ପରିକ୍ରମା ।
(ଅମୃତ) – ଦିବା ଘ୬।୫୮ ମଧ୍ୟେ ଘ୭।୪୬ ଗତେ ଘ୧୦।୧୦ ମଧ୍ୟେ ଘ୧୨।୩୪ ଗତେ ଘ୩।୪୬ ମଧ୍ୟେ ଘ୪।୩୪ ଗତେ ଘ୫।୨ ମଧ୍ୟେ ରାତ୍ରି ଘ୧୨।୧୪ ଗତେ ଘ୧।୫୦ ମଧ୍ୟେ । (ମାହେନ୍ଦ୍ର) – ରାତ୍ରି ଘ୧।୫୦ ଗତେ ଘ୨।୩୮ ମଧ୍ୟେ ।
ରାଶି ଫଳ
ମେଷ: ବାପା ମାଆଙ୍କର ପରାମର୍ଶ ନିଅନ୍ତୁ, ଭଲ ହେବ। ନୂଆ କାମ ଆରମ୍ଭ କଲେ ଭବିଷ୍ୟତରେ ଲାଭ ପାଇବେ। ଆପଣଙ୍କର ଆତ୍ମବିଶ୍ବାସ ଦେଖି କର୍ତ୍ତୃପକ୍ଷ ଖୁସି ହେବେ।
ବୃଷ: ଟ୍ରାଭେଲ ଏଜେନ୍ସି ବ୍ୟବସାୟୀଙ୍କ ଲାଗି ଦିନଟି ଭଲ। ଅଚାନକ ଧନଲାଭ ହେବ। ରାଜନୀତିରେ ସଫଳତା ପାଇବେ। ଖାଦ୍ୟ ପାନୀୟ ପ୍ରତି ସଜାଗ ରୁହନ୍ତୁ।
ମିଥୁନ: ଜମି ଦଲାଲଙ୍କ ଲାଗି ଦିନଟି ଲାଭଦାୟକ। ଆପଣଙ୍କ ମନ ଅନ୍ତରଙ୍ଗ ବନ୍ଧୁ ସହ ମିଶିବାକୁ କହିବ। ଚାକିରିଆଙ୍କର ପଦୋନ୍ନତି ହୋଇପାରେ।
କର୍କଟ: ପୂଜାପାଠରେ ସମୟ ବିତିବ। ଅଫିସରେ ଆପଣଙ୍କୁ କୌଣସି ବଡ଼ ଦାୟିତ୍ବ ଦିଆଯିବ। ନିଜ ସାମର୍ଥ୍ୟରେ କାମକୁ ସରଳତାପୂର୍ବକ ସମ୍ପାଦନ କରିବେ।
ସିଂହ: ବ୍ୟବସାୟ ବିସ୍ତାର କରନ୍ତୁ ଲାଭ ହେବ। କୌଣସି ବି କାମ ତରବରିଆ ଭାବେ କରନ୍ତୁ ନାହିଁ। ଯାତାୟାତ ସମୟରେ ସାବଧାନତା ଅବଲମ୍ବନ କରନ୍ତୁ।
କନ୍ୟା: ଯୋଜନା ଅନୁସାରେ କାମ ପୂରା ହୋଇଯିବ। ଘରୋଇ କଂପାନିରେ କାମ କରୁଥିବା ଲୋକଙ୍କର ପଦୋନ୍ନତି ହୋଇପାରେ। ଖର୍ଚ୍ଚ ଉପରେ ନିୟନ୍ତ୍ରଣ ରଖିବାକୁ ଚେଷ୍ଟା କରନ୍ତୁ।
ତୁଳା: ବହୁ ଦିନର ସ୍ବପ୍ନ ସାକାର ହେବ। ଆପଣଙ୍କର ମନୋବଳ ଉଚ୍ଚ ରହିବ। ସମାଜସେବା କ୍ଷେତ୍ରରେ କାମ କରୁଥିବା ଲୋକଙ୍କ ଲାଗି ଦିନଟି ଭଲ।
ବିଛା: ବ୍ୟବସାୟରେ ଯଥେଷ୍ଟ ଲାଭ ପାଇବେ। ସାମାଜିକ ଗତିବିଧିରେ ସକ୍ରିୟ ଭୂମିକା ନିର୍ବାହ କରିବେ। ପ୍ରିୟତମଙ୍କ ଠାରୁ ଉପହାର ମିଳିବ।
ଧନୁ: ଆଗକୁ ବଢ଼ିବା ଲାଗି ଭଲ ଦିନଟିଏ। ପୂର୍ବରୁ କରିଆସୁଥିବା ଯୋଜନା ପୂରା ହୋଇଯିବ। ବିଲଡର୍ସଙ୍କୁ ଧନଲାଭ ହେବ। ପରିବାରରେ ଶାନ୍ତି ପରିବେଶ ରହିବ।
ମକର: ଆପଣଙ୍କୁ ଭୁଲ୍ ରାସ୍ତାରେ ନେଇଯିବାକୁ ଚାହୁଥିବା ଲୋକଙ୍କ ପ୍ରତି ସାବଧାନ ରୁହନ୍ତୁ। ଅଚାନକ ଧନଲାଭ ହେବ। ବିବାହ ସମ୍ବନ୍ଧୀୟ ସମସ୍ୟାର ସମାଧାନ ହୋଇଯିବ।
କୁମ୍ଭ: ଜମିରେ ନିବେଶ ଲାଗି ଭଲ ଦିନଟିଏ। ଅଧିକ କ୍ରୋଧ କଲେ କାମରେ ଗତିରୋଧ ହେବ। ଧାର ଦେଇଥିବା ପଇସା ଫେରସ୍ତ ପାଇବେ। ଛାତ୍ରଙ୍କ ଲାଗି ଦିନଟି ଭଲ ରହିବ।
ମୀନ: ବ୍ୟବସାୟରେ ଭାବିଚିନ୍ତି ଭାଗୀଦାରି କରନ୍ତୁ। ଅନ୍ୟମାନଙ୍କୁ ଭରସା କରନ୍ତୁ ନାହିଁ। ପରିବାରରେ ଲାଗି ରହିଥିବା ସମସ୍ୟା ସମାପ୍ତ ହୋଇଯିବ।
