ଇମ୍ଫାଲ: ମଣିପୁରରେ ପୁଣି ଜାତିଗତ ହିଂସା ମୁଣ୍ଡ ଟେକିଛି । ସୋମବାର କାଙ୍ଗ୍ପୋକ୍ପି ଜିଲ୍ଲାରେ ଦୁଇ ଗୋଷ୍ଠୀ ମଧ୍ୟରେ ସଂଘଏର୍ଷର ସୂତ୍ରପାତ ହୋଇ ୨ ଜଣ ପ୍ରାଣ ହରାଇଥିବା କୁହାଯାଇଛି । ଆକ୍ରମଣରେ କୁକି-ଜୋ ସଂପ୍ରଦାୟର ଲୋକେ ଶିକାର ହୋଇଛନ୍ତି । ଆକ୍ରମଣ ପରେ ସମଗ୍ର କାଙ୍ଗ୍ପୋକ୍ପି ଜିଲ୍ଲାରେ ଜରୁରୀ ପରିସ୍ଥିତି ଘୋଷଣା କରାଯାଇଥିବାବେଳେ ସମସ୍ତ ପ୍ରବେଶ ପଥକୁ ସିଲ୍ କରାଯାଇଛି ।
ଶାନ୍ତି ବଜାୟ ରଖିବାକୁ ଉକ୍ତ ଅଞ୍ଚଳରେ ଅଧିକ ସୁରକ୍ଷା କର୍ମୀଙ୍କୁ ମଧ୍ୟ ମୁତୟନ କରାଯାଇଛି । ସୂଚନାଯୋଗ୍ୟ ଚଳିତବର୍ଷ ମେ’ ୩ରୁ କୁକି ଓ ମୈତେଇ ସଂପ୍ରଦାୟ ମଧ୍ୟରେ ଉପୁଜିଥିବା ଜାତିଗତ ହିଂସାରେ ଏପର୍ଯ୍ୟନ୍ତ ୫୦୦ରୁ ଊର୍ଦ୍ଧ୍ୱ ପ୍ରାଣ ହରାଇଥିବାବେଳେ ଲକ୍ଷାଧିକ ଲୋକ ବାସଚ୍ୟୁତ ହୋଇଛନ୍ତି ।
