ଆଠଗଡ଼: ଦୁଇ ସାହି ଭିତରେ ଗଣ୍ଡଗୋଳରୁ ବୋମାମାଡ଼ । କଟକ ଜିଲ୍ଲା ଆଠଗଡ଼ ଥାନା ବଡଭୂଇଁ ପଞ୍ଚାୟତରେ ଏହି ଘଟଣା ଘଟିଛି । ଗତକାଲି ବିଳମ୍ବିତ ରାତିରେ ବୋମାମାଡ଼ ସହ ଢେଲାମାଡ କରି ଘରଦ୍ୱାର ଭଙ୍ଗାରୁଜା ହୋଇଛି । ବୋମାମାଡ଼ରେ ୧୦ଜଣ ଆହତ ହୋଇଛନ୍ତି ।
ଏମାନଙ୍କ ଭିତରେ ଗୁରୁତର ହୋଇଛନ୍ତି ୪ ଜଣ । ସେମାନଙ୍କୁ କଟକ ଏସସିବିକୁ ସ୍ଥାନାନ୍ତର କରାଯାଇଛି । ୪ ଗୁରୁତରଙ୍କ ଅବସ୍ଥା ସଙ୍କଟାପନ୍ନ ରହିଛି । ଦୁଇ ସାହି ଭିତରେ ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ବୋମାମାଡ଼ ହୋଇଥିବା ଜଣାପଡିଛି । ଅଧିକ ଖୋଳତାଡ କରୁଛି ଆଠଗଡ଼ ଥାନା ପୋଲିସ୍ ।
