ଭୁବନେଶ୍ୱର: ଉଦ୍ଧାର ହେଲା ବିରାଟ ଅଜଗର ସାପ । ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଭରଷା ପେଟ୍ରୋଲ ପମ୍ପ ନିକଟରୁ ଏକ ବିରାଟ ଅଜଗର ସାପ ଉଦ୍ଧାର ହୋଇଛି । ତେବେ ସେଠାରେ ସାପ ରହିଥିବାର ସ୍ଥାନୀୟ ଲୋକ ଦେଖି ଭୟଭୀତ ହୋଇ ପଡିଥିଲେ । ଏନେଇ ସ୍ଥାନୀୟ ଲୋକ ବନାଞ୍ଚଳ ଅଧିକାରୀ ସିଦ୍ଧାର୍ଥ ଶଙ୍କର ସାହୁଙ୍କୁ ଖବର ଦେବା ପରେ ବନ କର୍ମଚାରୀ ପହଞ୍ଚି ସାପଟିକୁ ଉଦ୍ଧାର କରି ନେଇଛନ୍ତି । ତେବେ ସାପଟି ପାଖାପାଖି ୭ ଫୁଟ ଲମ୍ବ ହୋଇଥିବା ବେଳେ ୧୦ କେଜିରୁ ଅଧିକ ଓଜନ ହେବ ବୋଲି ଜଣାପଡିଛି ।
