ନୂଆଦିଲ୍ଲୀ: ତେଲେଙ୍ଗାନା ବିଧାନସଭା ନିର୍ବାଚନ ପାଇଁ କଂଗ୍ରେସ ପାର୍ଟି ଶୁକ୍ରବାର ୪୫ ଜଣିଆ ଦ୍ୱିତୀୟ ପାର୍ଥୀ ତାଲିକା ଘୋଷଣା କରିଛି । ପାର୍ଟି ପୂର୍ବତନ ଭାରତୀୟ କ୍ରିକେଟ୍ ଟିମ୍ କ୍ୟାପ୍ଟେନ୍ ମହମ୍ମଦ ଆଝାରୁଦ୍ଦିନ୍ଙ୍କୁ ଜୁବୁଲି ହିଲ୍ସ ଏବଂ ପୂର୍ବତନ ଲୋକସଭା ସାଂସଦ ମଧୁ ଗୌଡ଼ ୟାସ୍ଖିଙ୍କୁ ଲାଲ ବାହାଦୁର ନଗରରୁ ଟିକେଟ୍ ଦେଇଛି । ସେହିପରି ପାର୍ଟିର ଦ୍ୱିତୀୟ ତାଲିକାରେ ପୋନ୍ନମ୍ ପ୍ରଭାକର (ହୁସନାବାଦ), କଣ୍ଡି ଶ୍ରୀନିବାସ ରେଡ୍ଡୀ (ଆଦିଲାବାଦ), ତୁମଲା ନାଗେଶ୍ୱର ରାଓ (ଖମ୍ମମ୍), କେ ରାଜ ଗୋପାଳ ରେଡ୍ଡୀ (ମୁନୁଗୋଡ଼େ)ରୁ ପ୍ରାର୍ଥୀ କରିଛି ।
ନଭେମ୍ବର ୩୦ରେ ହେବାକୁ ଥିବା ରାଜ୍ୟ ବିଧାନସଭା ନିର୍ବାଚନ ପାଇଁ ମୋଟ ୧୧୯ ଆସନ ମଧ୍ୟରୁ କଂଗ୍ରେସ ଏହାକୁ ମିଶାଇ ୧୦୦ ପ୍ରାର୍ଥୀଙ୍କ ନାମ ଘୋଷଣା କରିଛି । ଏହି ପ୍ରାର୍ଥୀ ତାଲିକା ନୂଆଦିଲ୍ଲୀର ଅଖିଳ ଭାରତୀୟ କଂଗ୍ରେସ କମିଟି (ଏଆଇସିସି) କାର୍ଯ୍ୟାଳୟରୁ ଘୋଷଣା କରାଯାଇଛି । ଏହା ପୂର୍ବରୁ ଗତ ୧୫ ତାରିଖରେ ଜାରୀ ପାର୍ଟିର ପ୍ରଥମ ତାଲିକାରେ ୫୫ ପ୍ରାର୍ଥୀଙ୍କ ନାମ ଘୋଷଣା କରାଯାଇଥିଲା ।
