ଆର୍ଥିକ ସଙ୍କଟରେ ଗ୍ରେଗ୍ ଚାପେଲ୍‌

ସିଡନୀ : ପୂର୍ବତନ ଭାରତୀୟ ହେଡ୍ କୋଚ୍ ତଥା କିମ୍ବଦନ୍ତୀ ଅଷ୍ଟ୍ରେଲୀୟ କ୍ରିକେଟର ଗ୍ରେଗ୍ ଚାପେଲ ଏବେ ଆର୍ଥିକ ସଙ୍କଟରେ ଗତି କରୁଛନ୍ତି । ଏକ ରିପୋର୍ଟ ଅନୁଯାୟୀ ଗ୍ରେଗ ଚାପେଲ ତାଙ୍କ ବନ୍ଧୁମାନଙ୍କ ସହ ଏକ ଅନଲାଇନ୍ ପାଣ୍ଠି ସଂଗ୍ରହ ପ୍ଲାଟଫର୍ମ ସ୍ଥାପନ କରିବାକୁ ପ୍ରକାଶ କରିବା ସଂ ସଂଘର୍ଷ ସମ୍ପର୍କରେ ଜଣାଇଛନ୍ତି । ୨୦୦୫-୨୦୦୭ରୁ ଭାରତୀୟ ଦଳର ମୁଖ୍ୟ ପ୍ରଶିକ୍ଷକ ଭାବରେ ବିବାଦୀୟ ଆଭିମୁଖ୍ୟ ଥିବା ୭୫ ବର୍ଷୀୟ ପୂର୍ବତନ ଅଷ୍ଟ୍ରେଲୀୟ ଅଧିନାୟକ ଚାପେଲ ସ୍ୱୀକାର କରିଛନ୍ତି ଯେ ସେ କ୍ରିକେଟ୍ ଯୋଗୁଁ ବିଳାସପୂର୍ଣ୍ଣ ଜୀବନ ବିତାଇବା କଥା ତାହା କରିପାରୁନାହାଁନ୍ତି । ଗଣମାଧ୍ୟମରେ ସେ ପ୍ରକାଶ କରିଛନ୍ତି କି, ମୁଁ ନିଶ୍ଚିତ ନୁହେଁ ଯେ ହତାଶ ଅବସ୍ଥାରେ ଅଛି । ଆମେ ବିଳାସପୂର୍ଣ୍ଣ ଜୀବନଯାପନ କରିପାରୁ ନାହୁଁ । ମୁଁ ଭାବୁଛି ଅଧିକାଂଶ ଲୋକ ଅନୁମାନ କରନ୍ତି ଯେ, କାରଣ ଆମେ କ୍ରିକେଟ୍ ଖେଳିଥିଲୁ, ଆମେ ସମସ୍ତେ ବିଳାସପୂର୍ଣ୍ଣ କୋଳରେ ଜୀବନଯାପନ କରୁଛୁ । କିନ୍ତୁ ବାସ୍ତବରେ ଏହା ଭୁଲ । ରିପୋର୍ଟ ଅନୁଯାୟୀ, ଗତ ସପ୍ତାହରେ ମେଲବର୍ଣ୍ଣ କ୍ରିକେଟ୍ ଗ୍ରାଉଣ୍ଡରେ (ଏମସିଜି) ଆୟୋଜିତ ହୋଇଥିବା ଏକ ମଧ୍ୟାହ୍ନ ଭୋଜନରେ ଚାପେଲ ତାଙ୍କ ପାଇଁ ଏକ ‘ଗୋଫଣ୍ଡମି’ ନାମରେ ଏକ ପେଜ ସ୍ଥାପନ କରିବାକୁ ରାଜି ହୋଇଥିଲେ । ଚାପେଲଙ୍କ ବ୍ୟତୀତ ତାଙ୍କ ସମୟର ଅନେକ ଶ୍ରେଷ୍ଠ କ୍ରିକେଟର ଅବସର ପରେ ପେସାଦାର କ୍ରିକେଟ୍‌ରୁ ଦୁରେଇ ଯାଇ ଏବେ ଆର୍ôଥକ ସଙ୍କଟରେ ଗତ କରୁଛନ୍ତି ବୋଲି କହିଛନ୍ତି । ଏମାନଙ୍କ ପାଇଁ କ୍ରିକେଟ୍ ଅଷ୍ଟ୍ରେଲିଆ ପକ୍ଷରୁ ମଧ୍ୟ ସେପରି କିଛି କରାଯାଉ ନାହିଁ ବୋଲି ସେ ଜଣାଇଛନ୍ତି ।