ନୂଆଦିଲ୍ଲୀ:ଫୁଲର ସୁନ୍ଦରତା ସମସ୍ତଙ୍କୁ ନିଜ ଆଡକୁ ଆକର୍ଷିତ କରିଥାଏ । ଅନେକ ଫୁଲର ସୁଗନ୍ଧ ସମସ୍ତଙ୍କୁ ବହୁତ ହିଁ ପସନ୍ଦ ଲାଗିଥାଏ । ତେବେ ଆପଣମାନେ ଜାଣିଲେ ଆଶ୍ଚର୍ଯ୍ୟ ହୋଇଯିବେ, ଯେ ଏପରି ଏକ ଫୁଲ ଅଛି ଯାହା ଦେଖିବା ପାଇଁ ତ ବହୁତ ସୁନ୍ଦର, ହେଲେ ଏହା ସ୍ୱାସ୍ଥ୍ୟ ପାଇଁ ବିପଦପୂର୍ଣ୍ଣ ହୋଇଥାଏ । ସାରା ବିଶ୍ୱରେ ସୁନ୍ଦର ଦେଖାଯାଉଥିବା କିଛି ଫୁଲ ଅଛି ଯାହା ଜୀବନ ପାଇଁ ବିପଦ ହୋଇପାରେ । ତେବେ ଆପଣମାନେ ଜାଣିଛନ୍ତି କି ଏହି ବିଷାକ୍ତ ଫୁଲର ନାମ କଣ ? ଏହି ଫୁଲର ନାମ ଫକ୍ସଗ୍ଲୋଭ୍ । ଏହି ଫୁଲ ହର୍ବାଲ ଚିକିତ୍ସାରେ ବ୍ୟବହାର ହୋଇଥାଏ । କିନ୍ତୁ ଏହା ହାର୍ଟ ଆଟାକର କାରଣ ମଧ୍ୟ ହୋଇପାରେ । ଲାଇଫ୍ ସାଇନ୍ସର ରିପୋର୍ଟରେ ଫକ୍ସଗ୍ଲୋଭ୍ ଫୁଲ ବିଷୟରେ ସମସ୍ତ ସୂଚନା ଆପଣ ପାଇଯିବେ । ଏବେ ଜାଣନ୍ତୁ ଏହାର ବିଶେଷତା :-
ବିଷାକ୍ତ ହୋଇଥାଏ ଏହି ଫୁଲ ଗଛ : ନ୍ୟୁୟର୍କର ଷ୍ଟେଟ୍ ୟୁନିଭରସିଟି ଅଫ୍ ଆସିଷ୍ଟାଣ୍ଟ ପ୍ରଫେସର ଜେନ ଓ୍ଵାଙ୍ଗ ଲାଇଫ୍ ସାଇନ୍ସ ଜରିଆରେ କହିଛନ୍ତି, ଯେ ଫକ୍ସଗ୍ଲୋଭରେ କାର୍ଡିଆକ ଗ୍ଲାଇକୋସାଇଡ୍ ନାମକ ଏକ ଶକ୍ତିଶାଳୀ କମ୍ପାଉଡ ମିଳିଥାଏ । ଯାହା ହାର୍ଟ ରୋଗୀଙ୍କ ପାଇଁ ବିପଦପୂର୍ଣ୍ଣ ହୋଇଥାଏ । ଫୁଲରେ ଏହି କମ୍ପାଉଡ୍ ଥିବା କାରଣରୁ ଭେଣ୍ଟ୍ରିକୁଲାର ଫାଇବ୍ରିଲେସନ୍ ପରି ଅବସ୍ଥା ମଧ୍ୟ ହୋଇପାରେ । ତେବେ ଏହି କାରଣରୁ ହାର୍ଟ ଆଟାକ ହୋଇପାରେ ଏବଂ ଜୀବନ ମଧ୍ୟ ଯାଇପାରେ ବୋଲି କୁହାଯାଇଛି ।
ଏହି ଗଛ କୌଣସି ସଞ୍ଜିବନି ବୁଟୀରୁ କମ ନୁହେଁ : ସବୁଠାରୁ ଆଶ୍ଚର୍ଯ୍ୟ କରିବା ଭଳି କଥା ଯେ ଏହି ଗଛ ହାର୍ଟ ସମସ୍ୟା ପାଇଁ ସଞ୍ଜିବନି ବୁଟୀ ଭଳି କାମ କରେ । ଏହି ଜଡ଼ିବୁଟି ସେହି ସମୟରେ କାମରେ ଆସିଥାଏ ଯେତେ ବେଳେ ହାର୍ଟ ରୋଗୀଙ୍କ ଶରୀରରେ କୌଣସି ପ୍ରକାରର ମେଡିସିନ୍ କାମ କରେ ନାହିଁ । ଫକ୍ସଗ୍ଲୋଭ୍ ଫୁଲ ଏସିଆ ଓ ୟୁରୋପରେ ଅଧିକାଂଶ ସ୍ଥାନରେ ଦେଖିବା ପାଇଁ ମିଳିଥାଏ ।
ରିପୋର୍ଟରୁ କ’ଣ ଜଣାପଡିଛି ?
ଲାଇଫ୍ ସାଇନ୍ସର ରିପୋର୍ଟ ଅନୁସାରେ, ଏକ ହେଲଦି ହାର୍ଟ ହଜାର ହଜାର ହାର୍ଟ କୋଷ ମଧ୍ୟରେ ପୂରା ଶରୀରକୁ ଅମ୍ଳଜାନ ଦେଇଥାଏ । ଏହାରି ମଧ୍ୟରେ ଜଣେ ନିଶ୍ୱାସ ପ୍ରଶ୍ୱାସ ନେଇପାରେ .. ଏହି କୋଷ ଗୁଡିକରେ ଭିନ୍ନ ଭିନ୍ନ ଡ୍ରାନ୍ସପୋର୍ଟର ମିଳିଥାଏ, ଯେପରି ସୋଡିୟମ, ପୋଟାସିୟମ୍ ଏବଂ କ୍ଲୋରାଇଡ୍ ପରି ଚାର୍ଜିତ କଣିକା ଶରୀରକୁ ଦେଇଥାଏ । ଏହା ସହ ଶରୀର ସନ୍ତୁଳିତ ରହିଥାଏ ।
ଭୁଲରେ ମଧ୍ୟ ଏହି ଗଛର ଫୁଲ ସେବନ କରନ୍ତୁ ନାହିଁ : ସୂଚନା ମୁତାବକ, ଏହି ଗଛ ର ଫୁଲ ଯଦି ଭୁଲରେ ମଧ୍ୟ ଖାଇ ଦେଇଛନ୍ତି ତାହେଲେ ତୁରନ୍ତ ଡାକ୍ତର ପାଖକୁ ଯିବେ। କାରଣ ଏହି ଗଛ ଏତେ ମାତ୍ରାରେ ବିଷାକ୍ତ ହୋଇଥାଏ ଯେ କୌଣସି ଲୋକର ମଧ୍ୟ ଜୀବନ ତୁରନ୍ତ ଯାଇପାରେ । ଏହି କାରଣରୁ ବାନ୍ତି, ସ୍କିନ ପ୍ରୋବ୍ଲେମ୍, ମୁଣ୍ଡବିନ୍ଧା ଠିକ୍ ଭାବେ ଦେଖାନଯିବା, ମୁଣ୍ଡ ବୁଲାଇବା ଏବଂ ଅତ୍ୟଧିକ ପରୀସ୍ରା ଲାଗିବା ଭଳି ଅନେକ ସମସ୍ୟା ହୋଇପାରେ । ଏହାସହ ଥକା ଲାଗିବା, ମାଂସପେଶୀ ଦୁର୍ବଳତା ଲାଗିବା, କମ୍ପନ, ଭୁଲିବା, ହାର୍ଟ ସମସ୍ୟା ଓ ଲୋ ବ୍ଲଡ୍ ପ୍ରେସର ହେବା ଦ୍ୱାରା ଜୀବନ ମଧ୍ୟ ଯାଇପାରେ ।